Zakariyya 2:8 - NABUWWA KEE MALIKWA

⁸ YALLAY Nabaamak Nabahiyya iyyaamah: «Sin xaga mari intik-baxa yok xagem deqsita» iyya. Tonna leemiik nabna geek lakal sin buubak sugte doolatwa fan yoo ruube.

Zakariyya 2:8 Referans Kwoze

Malaaki 3:1

YALLAY Nabaamak Nabahiyya siinik iyyaamah, «Gita yoh bicsa'gidih, inni farmoyta ruubeyyo. Tohuk lakal isin faxak sugten YALLI garciik isi Qibaadah-Qari amaatele. Isin assexeeruk sugten farmoytay yi qahdit yaabu waahiyya amaatelem digga le.

Xafanya 2:8

YALLAY Nabaamak Nabahiyya iyyaamah, «Mooyab kee Qammon deqsitta kedoh yooboke mari ummat yok xaafaah; oson anqibinnaanim iyyaanam keenik aabbeh an. ‹Baaxo siinik beenno› axcuk keenil tirtirisan.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Miika 5:6

Too macaxi nee cateleeh keenik aysele. Nimrud elle suge Assuuriyah marih baaxo abbixeloonuh qande luk ken xiiniselon» [axcuk tirtirisa mari yan.] Takkay immay Assuuriyah mari baaxo nek yabbixe'gidih yemeetek, ken gabak nee waddam, YALLI ruubu waa abba.

Miika 4:11

Mango baaxoh mari siinit qeebi aba'gidih gaabooweh yan. «Yarusalaam qaybit raddam meqe; a magaala abuuruh raqtam nablem fanna!» iyyan.

Qaamus 1:13

Qaamus kaadu qagissa heeh iyyemii, «Aham YALLI iyyaama. ‹Qammonuh yooboke mari fiiruk geerah dambi le taama abeenih; tohuk gexxaamah ken digaaleyyom digga le. Carbit Gilqad baaxo abbixenno 'yaanam niyal haak, soonibih yan agabuk bagut tan xaylo yeyyeeqen.

Qaamus 1:11

Kaadu qagissa heeh iyyemii, «Aham YALLI iyyaama. ‹Edom mari fiiruk geerah dambi le taama abeenih; tohuk gexxaamah ken digaaleyyom digga le. Israayil ummatay ken toobokoh tanihiyya admoh qidan dubaalih gurral qiden. Racmatta sinni qidimih ken qiden. Way cabe waan naqabu afqadot keenih heen.

Qaamus 1:9

Kaadu qagissa heeh iyyemii, «Aham YALLI iyyaama. ‹Suur magaalal yan mari fiiruk geerah dambi le taama abeenih; tohuk gexxaamah ken digaaleyyom digga le. Israayil mara luk sugen qalla hawweeneenih; magaala kee magaala deraafil tan gaandoodil sugga iyye mara inkih, Edom marih naqoosah xaamiten.

Yacedkel 35:5

«Isin dumaak Israayil ummatah qaduwwih sugteeniih; Israayil ummat isih bahte dambih digaala keenil temeete saakuy kaxxa gadaamat sugeenihiyya, isinni le kabuuk ken qidaana'gidih absissen.

Yacedkel 26:2

«Bani-adantow, Suur magaalal yan mari akah wallitam macaay intek, kinnim koh warisu waa. Ahaysa, ‹Yarusalaam tiddigiiggilleeh; tellemmoy teetil akkuk tenehiyya gaba kalteh ikkal, gaddaliinoh net mamissowta› 'yaanamah wallitan.

Yacedkel 25:15

YALLAY Mulki lehiyya iyyaamah, «*Filistiin mari, mango dabaanah naqboytiitih keenik sugen Israayil maral, canê gacsah kaxxam umam baaheeniih, keenih lon naqabuh ken seleenih.

Yacedkel 25:12

YALLAY Mulki lehiyya iyyaamah, «Edom-mari Yuudâ-maral canê-gacsah umam baaheeh; too umaaney oson canê-gacsah abeenihiyya, Edom maral ken cabe wayta umaane tekke.

2 Malikwa 24:2

Too waqdi YALLI, isi nabuwwak dumaak akah iyyeh suge innah, Baabelon kee Suuriya kee Mooyab kee Qammon qaskar Yuudâ-rasu bayissa'gidih kaat ruube.

Zakariyya 2:11

Toh takku wayta saaku baadal tan ummat yoo YALLAL aduureleeh, yi mara akkelon. Anu kaadu sin lih aneyyo» iyye. Isin YALLAY Nabaamak Nabahiyya sin fanah yoo ruubem too saaku aaxigetton.

Zakariyya 2:9

Gaba keenil qideyyooh; keenih taamitak sugte ken naqoosa ken buubele. Toh keenit takku wayta saaku, YALLAY Nabaamak Nabahiyya yoo ruubem aaxigetton.

Cabakkuk 2:17

Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Ermiyaas 12:14

YALLI qagseeh kaadu iyyemii, «Yi ummatay Israayilih toobokehiyyah anu-ecee-baaxo foyya-abe-marak axcem liyo. Tohuu, too mari umeynitiiy; tonna leemiik away elle yanin baaxok, caxa ragidik elle siiban innal, ken siibba heeh ruubeyyo. Yuudâ-maray oson umam elle baaheenihiyya ken gabak ayyaaqeyyo.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Yacedkel 26:20

Rabe mara fan obba 'teh dumî dabaanal suge mara luk akah gacta innah kok abeyyo. Dumaak baate duyyey abuuruh raqqa 'teh woo boodo fanah obtehiyya lih oobetto. Tohuk wadir mataduuraay addunyal manoh maraqta.

Yacedkel 38:14

Tohuk gexxaamah Yalli Goog warisu waa farmo yol ruube. Yok iyyeemih, «Yi Israayilih ummat amaanah elle xinta ikkel,

Yasaqya 49:19

Baaxo siinik sinam sinni abuuruk sugte. Takkay immay ahak wadir, akkel dabaaqah gacam faxa mari faxo teetil mageya. Sin yiggileeh abur sin abe mari siinik axxeerele.

Yacedkel 36:11

Ummat kee lac aymaggeyyo. Mango xaylo xalettoonuuh, dumak amaggetton. Dumak akah sugten innah tanoonay sin axceyyo. Dumak fuli gaddaliino siinit heeyyo. YALLA kinniyom too saaku yok aaxigetton.

Yacedkel 38:11

Cato sinni baaxoh maray carbi able weeh, amaanah xiinaah, gaso sinni magaaloolil yanihiyya qeebit tabbixeemil malsetto.

Zakariyya 8:5

Gititte kaadu qunxa urruy digrahiyyak amaggele.