Zakariyya 2:6 - NABUWWA KEE MALIKWA

^6-7 YALLI isi marak iyyaamah, «Duma anu kulli ikke fixixih sin ruubeh suge. Ahaysa Siyon-maray Baabeloonul yanihiyyaw, uguta! Baabelon rasu cabay tokkek kuda» iyye.

Zakariyya 2:6 Referans Kwoze

Yacedkel 17:21

A carbit kaak mango qaskaray agiirah tanihiyya edde rabele. Rabak raqtem kulli kabul fixixih gexele. Tahat yabtam yoo YALLA kinnim too saaku aaxigelon» iyye.

Yasaqya 48:20

Tonna'mmay Baabeloonuk amaanah eweqa; Baabelon marak isillima. Ifricay qililisaay a xaagu kulli ikke iysixxiga. YALLI Yaqkuubuk rade maray kay naqoosah yanihiyya wadem baaxô-maggaraqa fanah gexay warisa.

Yacedkel 11:16

«Too mari toh iyya'mmay, atu ama seewah been marak intaamah, ‹YALLAY Mulki lehiyya siinik iyyaamah: Allî-baaxo sin rubteeh, kulli baaxol fixixih sin tabbixem, yooy; uxih dago wakti ama fixixih elle tanin baaxol, taahirik yan aracal elle suge'nnal, sin lih an› keenik inxic.

Qaamus 9:9

Israayil mara yanfiyen daroh innah ken anfiyeyyo. Marin marih addat ken fixixise waqdi, ken addak uma mara ayyaaqeyyo.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Ermiyaas 51:50

YALLI isi maray Baabeloonul yanik iyyeemih, «Rabak raaqe maraw, gexay isillima. Akkel maadayina. Isinni baaxok taxxeereenimih niyak yoo makalina. Yarusalaam kaadu mahawweenina.

Ermiyaas 51:45

«Yi ummatey, too saaku Baabeloonuk eweqay, qaxak teenal kuda. Yi naqabuy cayla lehiyyak isinni rooci raaqisaay isillima.

Ermiyaas 51:6

«Sinaamey, Baabelon rasuk kuda. Baabelon mari baahe dambih, duufut ken lih marabina. Ta saaku cane keenik gacisu waah aniih, keenih taguude digaala keenit abu waah ani'mmay, ummatey, waalih raaqa.

Ermiyaas 50:8

«Hay tahaysa Israayil maraw, Baabelon rasuk kuda. Teetik eweqa. Kulli marak naharat isin eweqa.

Ermiyaas 31:10

Baaxoh ummatey, YALLI siinik iyyam ankacisa. Usuk iyyam badak afal yan xer baaxoh marah warisa. Isi mara fixixih elle yabbixe baaxok gaaboysele. Illit duwah yan num duwah edde yan illi elle duwa'nnal, ken duweleeh ken dacrisele.

Ermiyaas 31:8

Kilbat le kabuk ken baaheyyo; baaxô-maggaraqak ken gaaboyseyyo. Inti-maleela kee iba-maleelaay, xalay edde xayyoowe agabu kee xalaayal lacawat yan agbih agantah amaatelon. Manguk andabbelon.

Ermiyaas 15:4

Ciskiyyaahû-baxi Manasse, Yuudal malikih yen saaku abe umaanek gexxaamah, baadal enna 'ya mari anu siinil baahem yaabbu waa waqdi, kaxxa wariggah wariggitelon» 'yaanam yok iyye.

Ermiyaas 3:18

Too saaku Yuudah-ummatta Israayil-xaylot angaleleeh, sarrak marin baaxoy kilbat le kabul tanihiyyak aduureloonuuh; ken kaxxa abbobtih kulli waqdi ikoytah eceeh en rasu fan gacelon.

Ermiyaas 1:14

Too waqdi YALLI yok iyyeemih, ‹Umaane kilbat le kabuk a baaxol yan maral facak amaatele.

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Ruut 4:1

Booqas magaalah culmal daffeyna elle aban arac gexeeh, wokkel daffee. Too waqdi Alimelekik xayi ramadah yan numuy Booqas edde yaabeh sugehiyya wokke yemeete. Booqas kaa yuble waqdi, «Annah amey akkel daffey» kaak iyye. Too waqdi woo num yemeeteh wokkel daffee.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Daaniyel 11:4

Usuk kaxxa qande elle baaha ikkel, kay doolat addigilleleeh, affara ikkel gacele. Kay durruyyatak ane waa mari, kay aracal reedele'mmay, qandeh kay inna mayallan. Tonnal kay doolat kurruumeleeh, aki mari elle reedele.

Ermiyaas 31:38

YALLI qagseh iyyeemih, «Yarusalaam magaala yi migaaqal edde xissintu wayta ayroora amaatele. Sahda akak yabloonuh xisen Cananal-Qariy amo-xeerik xabba haanamaay, Rukni-Afah deqsita aracah amma 'yaanam edde xisoonu waan wakti amaatele.

Zakariyya 1:16

Ahaysa Yarusalaam emeeteh aniih, teetih racmateyyo. Yi Qibaadah Qari nammeyhaak xiseloonuuh, Yarusalaam kaadu nammeyhaak xissiimele. Tah intam yooy YALLAY Nabaamak Nabahiyya› 'yaanam siinik iyya, keenik inxic» yok iyye.