Zakariyya 14:1 - NABUWWA KEE MALIKWA

¹ YALLI cokmi edde abu waa ayro amaatelek ixiga. Too ayro Yarusalaam magaala buubelon. Siinik been duyye siinik foocal kurraasitelon.

Zakariyya 14:1 Referans Kwoze

Yasaqya 13:9

YALLIH ayro amaatele. Toh, Yallih-naqabuy kaxxam gibdi edde yakku waa ayroy racmatta sinnihiyya. Dambi elli haa mari inkih bayeleeh, baad abuuruh raaqele.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Yasaqya 13:6

YALLIH ayro amaatelek, boogisa! Qande le Dagelti baati edde baahu waa ayro xayih.

Malaaki 4:5

«YALLIH ayroy sahda akak meysitta kaxxa ayro kinnihiyya tamaateemik naharal, anu nabi Eliyyas sin fan ruubeyyo.

Ayyuqel 3:14

Loowo sinni mari Cokmi-Goloh addal yan. YALLIH cokmih ayroy xayihiyya elle takku waytam tokke.

Ayyuqel 2:31

YALLIH ayroy sahda akak meysitta kaxxa ayro kinnihiyya tamaateemik naharal, ayro dattooweleeh alsi qisih qabal innah gacele» iyye.

Ayyuqel 2:1

Baanta ugura. Taahirik tan Siyon Qaleh amook turumba kaayisa. Israayil ummatey, YALLIH cokmih-ayro xayih immay cunxita.

Zakariyya 14:14

Yuudâ mari, Yarusalaam marat qeebi aba marat qeebi abelon. Keenik dariifal tan ummat luk sugga 'te duyye keenik buubeloonuuh; mango dahab kee lakqo kee sartan keenik beelon.

Xafanya 1:7

Mulki le YALLIH cokmih ayro xayih immay kay foocal tibba 'xica. YALLI too ayroh masgaada bicseeh, Yuudâ mara buubu waa marah seeco abeh.