Zakariyya 13:1 - NABUWWA KEE MALIKWA

¹ YALLAY Nabaamak Nabahiyya iyyaamah, «Too ayro Yarusalaam ummat kee Dawuduk rade mari abak suge caraamu kee uma-taamak edde taahirroowoonuh, edde kaqalan buyyi keenih racele.

Zakariyya 13:1 Referans Kwoze

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Zakariyya 12:3

Too ayro Yarusalaam kaxxam qilsa le xaa abeyyo. Too xaa ugsa'gidih yamaatu waa mari biyaakitele. Kulli baaxoh mari teetit qeebi aba'gidih titta geyya heeh amaatele.

Yacedkel 36:29

Nadaasa sin abba haytaamak, innih sin waaseyyo. Qulul sin akah gee waa innah, daro siinih tamaggay axceyyo.

Yacedkel 36:17

«Bani-adantow, Israayil mari isi baaxol suge saaku, ken qamal kee ken uma-taama a baaxo nadaasa abte. Ken qamal yi garil wasaktuk taahirroowe wayte barrah gide yol luk suge.

Yasaqya 4:4

YALLI isi qandet ummattal mekleleeh; gira birta akah taahirroysa'nna ken taahirroysele. Yarusalaam-agbi le sakkik tan taamak keenik taahirroyseleeh; Yarusalaamal caxita qabalak tet kaqlisele.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 29:26

«Xafanyaw, YALLI Yoyadaq aftok, isi-Qibaadah-Qarih addal seekak abba koo abe. Tonnah yan numuh elle tani'kkel tibba intam koo maceltaay; cabuliy nabi kinniyo iyyahiyyak iba kee gaba namma-caxxih fanat uxuyya heenih, fillat kaadu birti silsilat kaak yaxeenim kol tan.

Ermiyaas 33:8

Yol baahen dambik qafu keenih abeyyo. Edde sugen dambi kee abak sugen yabti-cinak kaadu qafu keenih axceyyo.

Yacedkel 47:1

Woo num Yallih Qibaadah Qarih culma fan yoo gacse. Too culmak lee awaquk teneeh; too lee Qibaadâ-Qarik exxak teenay gabbi-qaxat raqtahiyyak amma 'teh sadgat elle aban aracak gabbi-qaxa le kabu darah gexak, ayrô-mawqa le kabuy Qibaadâ-Qari edde yafkunehiyya fanah darah oobak ten.

Yasaqya 12:3

Xamcin leey, sillaateh tanik yooqobe num ruffo geya. Yallih wadu geytan waqdi, isin tonnah ruffu axcetton.

Miika 5:12

Ama sicrih xagarat liton duyye siinik kaleyyo. Sarra takku waytam warissa kalluwalle kee ginnili siinik bayseyyo» iyye.