Zakariyya 11:5 - NABUWWA KEE MALIKWA

⁵ Illi xaamita mari, isih faxa saaku, faxah yan ida akkiiy maruw akki usgudda heenih niyya akak aban. Takkay immay tahah ken digaaltam matan. Illi yaylamme mari, ‹Alcamdulillaah nanu gaddaleela kinnino› iyyaana ikkal, qiden lac ken lac kinnih immay akah maxuwaawan» yok iyye.

Zakariyya 11:5 Referans Kwoze

Ermiyaas 50:7

Ken gennaan mari maysattaka keenit abe. Ken qidda heenih wadir, ‹Ken qidneh immay ken qidaanam dambi nel matakka. Toh akah kinnim, ken Dageltay amo keenik wagitak sugehiyyal dambi lem baaheeniih, ken abbobti imaan elle luk sugte Dageltal imaan hoonu cineenih. Tohuk gexxaamah keenit tekkeemi› 'yaanam iyyan.

Hosiqa 12:8

Too waqdi afak, ‹Nanu gaddaleela nekkeeh; abne taamal geyneh, makot abnem mannuy dambit maasinnino› iyyan.

Yacedkel 34:21

Biyaakitta ida tenek, ganaysaqtaanaah tet giqak, illik addak xiiriyak tayyaaqen.

Yacedkel 34:10

Waara YALLAY Mulki lehiyya kinniyooh inni migaaqal xiibita'mmay axceemihii, yoo YALLAY Mulki lehiyya sin naqboyta kinniyom yok ixiga. Inni illi siinik beeyyo'mmay, tahak wadir duwah siinil maaca. Ahak wadir isinni amo dacrissoonay siinik maxcay, inni illi siinik cateyyooh, akami sin mahaa.

Yacedkel 34:6

Yi illi kaxxa koomaami kee qaleelah amol meekot yen. Inkih yan baadal finqiteeniih immay ken gorriseeh ken baahe mari masuginna.

Ermiyaas 2:3

Woo saaku, Israayil maraw, yi marak sugteeniih, yok sah taaxigeenim luk masuginniton. Tonna leemiik taahirik yan marah sugten. Siinil umam baahinnaan maral biyak kee dalka ruubak suge. Tah siinik intam yoo YALLA› yok iyye».

Nacmiya 5:8

Too aracal keenik exceemih, «Nanuuy, Yahuud maray naqoosannuh marin mari xaamak sugehiyyah wadir lakqo ucuyya hayneh currih ayyaaquk sugnek, ta saaku isin isinni tooboko xaamtaanaah, naqoosah ken haytaanaa! Tonna'mmay isin naqoosannu teylemmen mara wadir currih nayyaaqem nel tan» keenik exce. Too waqdi saqolti kee abbobtih yen mari tibba yeeh, iyyaanam magennon.

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.

Hosiqa 12:9

Takkay immay yoo, YALLAY Masrik sin yeyyeeqehiyya, uxih sin Dagelta kinniyo. Ahak sarra bacarih tan baaxol sugten saaku edde sugten siraaqah sin gacseyyo.

Qaamus 2:6

Qaamus kaadu qagissa heeh iyyemii, «Aham YALLI iyyaama. ‹Israayil mari fiiruk geerah dambi le taama abeenih; tohuk gexxaamah ken digaaleyyom digga le. Qellat sinni maray isi mago yagdiyu duude waahiyya sinaamal xaaman. Gersim hinna'mmay, magok yeceen kabel edde gacsan dudda alle wayta masaakiina, magoh aftok naqoosah haysitan.