Zakariyya 11:1 - NABUWWA KEE MALIKWA

¹ Lubnaaney, afa fak! Sarid cooxuy ku addal yanit gira gexxa'gidih afa fak.

Zakariyya 11:1 Referans Kwoze

Ermiyaas 22:23

Lubnaan rasuk baahen sariidak bicsen qarwat yan malikow, kaxxa biyaakay akah araadaqissahiyya koo abbixele. Dabbaqanta barrah innah iihisetto» 'yaanam iyye.

Zakariyya 10:10

Masri kee Assuuriyak ken baaxo fanah ken gacseyyo. Ken baaxol ken nookiseyyo. Gilqad kee Lubnaanal ken nookiseyyo. Ummat baaxok amaggele.

Caggay 1:8

Away uguta. Woo saagan elle yan qaleela fan gexay saagan baahaay, yi qari edde xisa. Tah abteenik, anu ruffu axceyyooh; tokkel yoh taguude qibaada yoh abetton. Tah intam yoo YALLA› keenik inxic» 'yaanam kaak iyye.

Cabakkuk 2:17

Lubnaan rasul sugte garbo tirgiqeenih immay a saaku sin argiqelon. Too garbol sugte alluwwa qiddeenimih sabbatah, a saaku alluwwa sin meysiisele. Tah inkih siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Cabakkuk 2:8

Mango baaxoh mara buubteeniih, mango baaxoh mara qidden. A saaku too marak saaboh raaqe mari sin buubele. Tah siinit akah takku waytam, sahdat abak sugten qidim kee baadal enna 'ya mara kee baadal enna 'ta magaaloolit abak sugten dirki kee umaaneh sabbata.

Yacedkel 31:3

Ceelalloh, Assuuriya Lubnaan-rasul tooboke caxay mango ludway silal meqehiyya leeh, xexxaarah qamburre guftahiyyah bis luk sugte.

Zakariyya 11:2

Saagan cooxow, weeqaay, boogisa. Sarid cooxuy Lubnaanal yenehiyya yiggiriqeh. A coox kaxxa qax-maqaane luk yene'mmay, a saaku yiggiriqeh gaba kaleh. Basan addal yan garsâ-cooxow, weeqaay, boogisa. Kaxxa garbo yirgiqeenih ragid cabsiiseenih.

Zakariyya 12:6

«Too ayro Yuudâ-kedoh abbobti caffa takme gira abeyyo. Axaw axawah heen qaysot gexxa gira ken abeyyo. Dariifal keenik enna 'ta doolat inkih bayselon. Yarusalaam marah tu gactekiiy amaanah raaqelon.