Zakariyya 10:5 - NABUWWA KEE MALIKWA

⁵ Yoo wakalih loonumih sabbatah, Yuudâ-mari qeebil agiiray naqboytit kallat tayborooroke akkelon. Faaris amok qeebi abta labhak kinni way qeebil ayselon.

Zakariyya 10:5 Referans Kwoze

Caggay 2:22

Too saaku marin doolatwa deerik afah korseyyo. Luk suggu 'yen qande keenik bayseyyo. Carbi edde aban gaariira kee woo faras-gaariira beya mara kombobboliseyyo. Faroosa kee faroosah amot yan mari rabeleeh; seefit titta selele.

Zakariyya 12:8

Yooy YALLA kinni Yarusalaamal yan mara too ayro dacriseyyooh; gacca 'yaah, kaxxa boola keenik le num Dawud gide qandek aallele. Dawuduk rade mari yoo kee yi malaykattih innah ken miraacisele.

Zakariyya 9:13

Yuudâ mara gayse abeyyo. Israayilih yooboke mara gaysê-baxa abeyyo. Siyon-mara seef abeyyooh; Giriik-marat qeebi abelon» iyye.

Zakariyya 14:13

Too ayro too marat YALLI badit kee meysi ruubeleeh; tohuk gexxaamah kulli num isik cuggaaneh aninnaan numut qeebi abele.

Zakariyya 14:3

Tohuk lakal YALLI dumî-dabaanal akah abak suge innah, too doolatwat qeebi abuh ugtele.

Zakariyya 12:4

Too ayro too mari edde yamaatu waa faarisit cunxo ruubeyyo; amot akak yamaatu waa marat moyya ruubeyyo. Yuudâ mara dacriseyyooh; keenit qeebi aba'gidih yamaatu waa marih faaris inti waysiiseyyo.

Miika 7:10

Ni naqboytit aham isi intih ablele. Duma ‹YALLAY sin Dagelta kinnihiyya ankel yan?› axcuk suge maray Israayil marak naqboytiitih yaniih, nee qansarisak sugehiyyah nek gaca mara ken ablenno. Naqboytiitit kallah innah aaqitenno» iyyen.

Qaamus 2:15

Gaysê-baxi qidimil timixxige labha, ken fan qidan gaysê-baxak isinni elle raaqisan wale mageyan. Ardal assaaquk yen mari kinni way mayassaaqa. Faras amot yan mari rooci edde haan ikke mageyan.

Yacedkel 38:15

atu kilbat le kabuk dabaaqah elle tani'kkek texxeereh gexetto. Mango macaxuy celeemah yanihiyyay mango baaxok yemeetehiyya yakkeemiik faras amot amaateloonuuh ko'lih gexelon. Too waqdi ta mara wararetton.

Yasaqya 41:12

Sin gibangibita mara gorrisetto'mmay mageyta. Qeebi siinit abak suge mari a addunyah bagul ankulluke weeh innah gacelon.

Yasaqya 25:10

Macaay inteenik, YALLI Siyon-Qale amaanah xiinisele. Takkay immay Mooyab marat laahi robbi addat suge caffat akah yaaqiten innah aaqitelon.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 8:9

Isin baadal tan ummatey, titta lih gaca'mmay baysetton. Baaxok xer ikkel yan maraw, ankacisa! Qeebih bical gaca'mmay baysettoonuuh, finqitetton.

2 Samuwel 22:43

Bututtukka ken heeh; siisa ken celsiise. Giti-kallah innah, taqqa keenit exce.

2 Samuwel 22:8

Yalli bagcarriteeh; baaxo dillibitteh. Qaranwak makroori tengeyyeh axaxxeh.

1 Samuwel 16:18

Tokkel suge marak numuk teeni iyyeemih, «Beetlacam yan Yiisa deqsita num gadah yaaguren duyye yaagure baxa le. Too awki qaxti maqaane kee agiranna inkih leeh, qaskariinok bayisam maliiy, yab kaadu nagay yaaxige. YALLI kaadu kaa'lih yan» iyye.

Yoosuwa 10:42

Yoosuwa a gid takke baaxo kee teetil yan mara kee malikwak edde yeysem, inki adda abe gaaduk ten. Wohim akah tekkem, YALLAY Israayil doore Dagelta kinnihiyya ken lih yeneeh; taham akah tekkem tohu.

Yoosuwa 10:14

Too ayroh innah, YALLI sahdayti yab edde oggole ayro duma masuginnaay a saaku makkinna. YALLI too ayro Israayil marih qaxak gacca 'yeh qeebi abe.

Yasaqya 41:25

Tonna'mmay kilbatak num ugseh aniih; too num amaatele. Ayrô-mawqa le kabuk, yi migaq fayya haa'gidih, amaatele. Too num baaxok abbobtih yan marat, kalla arqusan waqdi kallat elle yaaqiten innal, keenit aaqitele. Buuti kallak bicsa num woo kalla arqusa waqdi elle yaaqite'nnah, keenit aaqitele.

Miika 5:8

Israayil maray saaboh raaqehiyya marin baaxooxal marin marih addat, lubookay garboh addat raarissa akkelon. Illi addat radde lubookah innah, maasayya maasayyah ken kuramkurelon. Too illi lubak afak cattam akah ane wayta innah, Israayil marak ta mara cattu waytam matana.

2 Malikwa 9:33

Too waqdi Yaahu, «Addah tet qida» keenik iyye. Osonuuy wokkek addah tet qiden. Qabal teetik qari gidaar kee faariisal caxite. Yaahû-gaari giitak beyta faroosa amot teetik taqqa 'yeh.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.