Zakariyya 10:4 - NABUWWA KEE MALIKWA

⁴ Yuudâ marih addak baaxo xiinisaah, sahda miraacisa mara kee qaskar abbobti awqele. Oson rakiibo akkelon. Siraq edde daabisan birtaay, carbi edde aban macaxi innah qande le mara akkelon.

Zakariyya 10:4 Referans Kwoze

Zakariyya 9:10

Israayil mari le faaris-gaariiray carbi edde abaanahiyya keenik bukkuseyyo. Yarusalaamak carbi edde aban faroosa kaleyyo. Carbi edde aban gayse kee gaysê-xaylo ken waysiiseyyo. Sin malik baadal tan ummat wagrisele. Kay abbootan badak a af kee woo af takke baaxo duudusele. Furaat weeqaytuk xabba haanam kee baaxô-maggaraqah amma yaanam duudusele» iyye.

Zakariyya 9:8

Inni baaxo innih dacriseyyooh; qaskar mattaaqatta akki tet mahaa. Ahaysa inni mara racmatta sinni abbobtih gabat biyaaki mahaa. Yi mari biyaakak abeh gide ubleh an» 'yaanam iyye.

Ermiyaas 1:18

Yuudâ-malik kee doolat-abbobti kee seekaay, a baaxol yan mara inkih, naqboytit kok akkelon. Takkay immay keenit edde koysitta dudda koh aceeyyo. Ta saakuu, maro edde tan magaalay naqboyti cule waa kee, birtak aben qamidduy addigille waa kee nacaasak yan birtak xisen gasoy xaggiime wayta, koo abeh ani'kkal, num tu kol mabaaha. Faxe qeebi kot abaanamah, anu ko'lih ani'kkal, kot baahaanam malon› 'yaanam YALLI yok iyye» iyye.

Yasaqya 54:16

Gabâ-birta bicsa mara tuklukem yoo; silaacat sinam qidda qaskar gintem yoo.

Yasaqya 49:2

Yi-afak yawqe qangor inkih, gileh innah af bahsiise; isi gabat yoo dacrise; arbaqen (samlisen) gaysê-baxi innah, yoo samliseh, af bahsiise; sibah addat yoo dacrise.

Yasaqya 19:13

Xooqan kee Mooful tan abbobti, duquurusen duquura. Sinam baaxo miraacisu waa mara ken tekkeleh sugte. Takkay immay oson too baaxoh mara makot been.

Qedra 9:8

«Tonna'mmay YALLAW, ni Dageltaw, dago uddur kinni way, maqaaneh addat nee sugusse. Baatik saaboh raaqe marak edde sugne naqoosinnak nee kalteh. A baaxoy taahirik tanil amaanah nee tabbixe. Edde sugne naqoosinnak dagom kalla nee hayteh, qusba manot nee hayte.

1 Samuwel 14:38

Too waqdi Saawul qaskar abbobtik, «Annah yol amay, dambi abe mari yenek, ken nayyaaqeemi» iyye.

Ermiyaas 51:20

Yalli iyyemii, «Baabelon maraw, qeebi edde absiisa silaacah sin luk suge. Qeebi edde aba birtah luk sugem siini. Doolat sin gabat bayisak suge.

Yasaqya 28:16

YALLAY Mulki le tohuh iyyamaa, «Siyoonul yigirriben xaay limo mangooh, digga le rakiibo yakkehiyya heeyyo. Yoo yaamine num mabadita.