Zakariyya 10:3 - NABUWWA KEE MALIKWA

³ YALLI iyyeemih, «Yi marih amol reeda leh yan allahih-baaxoh mara anqibeeh, ken digaalu waah an. Yuudâ mari yi mara. Ken amo dacrissu waytam yoo. Tah abtu waytam, yoo YALLAY Nabaamak Nabahiyya. Carbi farasay maqar le yoh akkelon.

Zakariyya 10:3 Referans Kwoze

Yacedkel 34:2

Bani-adantow, Israayil abbobtit takku waytam keenih waris. Keenit takku waytam keenih warisaay keenik intaamah: YALLAY Mulki lehiyya siinik iyyaamah, «Israayil-loynittey, finqi sin yibbixeh! Isinni amo wagittaanah illi amo mawagittan.

Zakariyya 11:17

Woyyow tu xiqe waa duweenat takku waytaama! Isi illih amo mawagitinna. Gaba kee migdi inti kaak seefit mudduntay! Gaba kaak kaftay! Migdi inti waay!» iyye.

Xafanya 2:7

Yuudâ-marak qeebik saaboh raqtem baaxo siinik raaqiseleeh, raaqisen baaxo saqi dabaaqah haysitelon. Askalon magaalal raqte qarwa, saqi loynitte xintimah haysitele. YALLAY ken Dagelta kinni luk sugen meqe mano keenih gacseleeh, ken qaxat gacele» iyye.

Ermiyaas 25:34

Baaxoh abbobtih yan maraw, weeqa boogisa. Rookitaay gombod bagul ubruka. Sin edde yasguudoonu waan uddur yemeeteh. Yasguuden maruwih innah maasayya maasayyah sin kuramkurelon.

Ruut 1:6

Waqlak wadir Noqmi, YALLI isi marat barkat heeh baaxol mango daro tooboke 'yaanam toobbe. Too waqdi isi xayloh agabu kee isih Mooyab-baaxo cabteh gexxam faxak ten.

Xafanya 1:8

YALLI iyyeemih, «Too masgaadah ayro malik gubal tan abbobtiiy, malik-buxah mara kee, marin mari abuk raqtih lem kataata mara siinik digaaleyyo.

Ermiyaas 50:6

A saaku yi mari, duwah edde yan num gitak makot bee illiy maatah yani yekken. Illiy qaleela kee koomaamih amol loyna weeh meekitahiyya ceelan. Isi dabaaqak cerrite illi yekken.

Ermiyaas 25:12

« ‹Too malcina-tabanih sanat gaba kalla haa saaku, Baabelon malik kee kay baaxoh mara kee, Baabeloonuh yooboke marih rasuy tikka iyyahiyya inkih bayseyyo. Tonnah tanim keenil akah baahu waam, ken umaane. Tohuk wadir ken baaxo abuuruy num sinniih lac sinnihiyya akkeleeh, daayiman abuuruh raaqele.

Ermiyaas 10:21

Too waqdi anu keenik excemii, «Nek saqoltih yan mari xangi-maleela kinnon. YALLAK, ‹YALLAW gita atu nee uybulluy› maxaccinnon. Ni marat ah akah tekkeeh, fixix ken akah yibbixem tohu.

Yasaqya 24:21

Too ayro YALLI qaraanal taniimiy cayla lehiyya qaraanal digaalele. Baaxô-bagul tan amoytitte kaadu digaalele.

Yasaqya 10:12

Tonna-leemiik, Yalli Siyon-qale kee Yarusalaamal abah yaniimik gaba kalu waa saaku, Assuuriyah malik abah yan tirtiraay leh yan kaxxiina kee hidak gexxaamah kaa digaalele.

Yacedkel 34:12

Illit duwah yan num baye illi gorrissa heeh elle gaaboysaah elle dacrisa gurral, anu inni illik kaadu toh abeyyo. Kaxxa dite le baatih ayro edde sugen baatik ken gacseyyo.

Daaniyel 11:32

A malik Yallih diini cine mara ayrisele. Too mari kay xaqut gacele. Takkay immay, Yalla oggole mariiy digga axcuk, qeebi kaat abele.

Yacedkel 34:11

«Yoo YALLAY Mulki lehiyya siinik axceemih, Inni illih goran innih abeyyooh, innih ken dacriseyyo.