Zakariyya 10:11 - NABUWWA KEE MALIKWA

¹¹ Kaxxa gibdaabina keenil yakku waa badak adda gacca 'yeenih gexaanam faxan waqdi, yooy YALLAH yani woo badih haffo keenih aatukeyyo. Baddi haffo soolele. Niil weeqaytuy adda le kafinuk cabeyyo. Assuuriyah yooboke mari le kaxxiina ken cabsiiseyyooh, rammita mara ken abeyyo. Masri maray kaxxa qande le, qande cabsiiseyyo.

Zakariyya 10:11 Referans Kwoze

Yacedkel 30:13

YALLAY Mulki lehiyya iyyeemih, «Moof deqsitta magaalal tan gabat bicsen duyyey yaqbudeenihiyya kee, yalla axcuk elle yaaminem keenik bayseyyo. Masri ahaysa abba mageya. Inkih yan rasut cunxo ruubeyyo.

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Xafanya 2:13

YALLI Assuuriyah ummat isi qandet baysele. Nanawe deqsitta magaala abur abbay bakarroyta cabele.

Yasaqya 51:10

Bad kafisseeh adda xer badak gudek gita teyyeeqem koo. Woh akah abtem, isih waddam faxxa mara badak tabissa'gidi.

Yasaqya 14:25

Assuuriyah maray yi baaxol yanihiyya bayseyyo; inni qaleh amol keenit aaqiteyyo. Inni mara Assuuriyah marih xukkok ayyaaqeyyo; fillal keenik suge quuka keenik kaleyyo.

Qedra 6:22

Malcina ayroh Kamiir-Sinni-Gaqamboh Qiidih farcatah sugen. Assuuriyah malik oson faxaanam aba num YALLI kaa abeeh, Yallay Israayil doore Dagelta kinnih Qariy yiddigilleh sugehiyya nammeyhaak xisaana'gidih cato keenih yekkeemih sabbatah, kaxxam ruffu iyyen.

2 Malikwa 2:14

Too waqdi Eliyyas-raraytot woo weeqaytu yootokeeh, «YALLAY Eliyyas elle yaamine Dagelta kinnihiyya ankel yan?» iyye. Woo weeqaytu yootoke waqdi, weeqayti namma'kkel gace. Sarrak Eliisaq adda akak tabeh weeqaytuk woo qaxal yeede.

2 Malikwa 2:8

Sarrak Eliyyas rarayto isik kalla heeh gabat makmakka heek lakal woo weeqaytu edde yootoke. Too waqdi woo weeqayti namma'kkel kurruume. Sarrak kaa kee Eliisaq kafin baaxok bagul weeqaytuk woo qaxa fan taben.

Yasaqya 51:9

YALLAW, ugutay ku qandet nee catey. Ku gabal nee catey. Dumî dabaanal akah abte innah ab. Racab deqsita kaxxa alay baddi addal geytimahiyya rike rikeh kurtem koo.

Yasaqya 19:16

Too ayro, Masri mari agbi innah gilic leela akkele. YALLAY Nabaamak Nabahiyya ken digaala'gidih gaba fakem yabloonu waan waqdi, cunxitelon.

Yasaqya 44:27

Afak exce qangarat, bad kee daroori kafsa Dagelta kinniyo.