Zakariyya 1:7 - NABUWWA KEE MALIKWA

⁷ Daryawes tu edde taade malik edde yekke nammeyhaytô-sanatak taban kee inikhaytoh alsay Qibraan afat Sebat deqsitahiyyak, labaatanna kee fereyhaytoh ayrot, Nabi Zakariyya YALLIH wacyi yubleeh; iyyeemih:

Zakariyya 1:7 Referans Kwoze

Zakariyya 1:1

Daryawes Fursi-rasul tu edde taade malik yakkeemih nammeyhaytô-sanatak bacarhaytoh alsat, YALLI Zakariyyal farmo oobise. Zakariyya Barkiyya deqsita numih baxak ten. Barkiyyah abba Qiddo deqsita numuk ten.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Zakariyya 1:8

Numuy qasa farasih amot yani uble. Kaa elle ublem, goloh addal cebak-cooxih fanak ten. Kaak salafak qasa faroosaa kee burraacin faroosa kee qado faroosa soolah uble.