Zakariyya 1:6 - NABUWWA KEE MALIKWA

⁶ Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

Zakariyya 1:6 Referans Kwoze

Ermiyaas 23:20

YALLIH bagcarra isih faxem abe'kkal, maxabbacowta; keenih loowe digaala keenit abele'kkal, macaba. Yamaatu waa dabaanal tahat radettoonuuh; aaxigetton.

Qaamus 9:10

Yi marih addak too dambi le maray ‹Umam net matakkaay tu nee maxagta› iyyahiyya seefit seleyyo» iyye.

Ermiyaas 44:28

A carbik tasillimu waytaah Yuudâ-baaxo aleelittu waytam, dago mara. Tohuk wadir Yuudâ-marak saaboh raaqe mari, yi yab numma kinnim kee sin yab numma kinnim ablelon.

Malaaki 3:18

Tonnal anu uma maray yi yab cinahiyya kee meqe maray anu aba axcem abahiyya tittak ken elle baxsa'nna abletton» iyye.

Hosiqa 9:15

Yalli iyyeemih, «Oson umaane elle qimbiseenim, Gilgal deqsita araca. Anu naharak ken inqibem too ayrok ten. Oson aben umaaneh sabbatah, inni baaxok ken ayyaaqeyyo. Ken abbobti yi yab cinteh immay yok kaadu keenih luk suge kacni gaba kaleh.

Yacedkel 37:11

Too waqdi Yalli yok iyyeemih, «Bani-adantow, tama lafoofi Israayil marah ceelallo. Israayil mari, ‹Nanu lafoofih innah kafneh karacca inneh nani'kkal, tahaysa xiqnam linoh manan› 'yaanam iyyan.

Yacedkel 20:43

Abba hayten umâ-yabuli, too saaku siinih ambulleele. Isinni nadaasa elle abten inni, too saaku siinih ambulleele. Abba hayten uma taama kassittoonu waytan waqdi, isinni nabsi inqibba heetton.

Ermiyaas 26:15

yoo qidden sin tekkek, dambi sinni numih qabal foyyah caxxeenimih, umaane sin kee a magaala kee a magaalah mara macabtam taaxigeenimi. Macaay inteenik, yoo rubteeh aham keenih warisaay aylahu keenih kal yok intem, nummaak YALLA» keenik iyye.

Ermiyaas 4:4

Yooy YALLA kinnihiyya lih liton xagana xagura. Yi qibaadak kalih imit maasina. Taham cinteenik, isin abten umaanek gexxaamah sin anneeqebbeyyo; anu abah an naqbi girah innah ureleeh habugga axcele. Too gira sarra bargusa num mageytima» 'yaanam siinik iyya.

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Yasaqya 21:17

Keedarah tooboke agiiray qeebi gayset abak sugtehiyyak dagoom raaqele. Ahat yabtam, yoo YALLAY Israayil doore Dagelta kinni» iyye.

Ermiyaas 5:14

Takkay immay YALLAY Nabaamak Naba Dagelta kinnihiyya yok iyyeemih, «Ermiyaasow, a mari tamah yok iyyeh yani'mmay, yi yaabay ku afak yawqehiyya gira keenil abeyyooh, atu lih yabta mara boco abeyyo. Too gira ken selele» 'yaanam yok iyye.

Ermiyaas 32:24

« ‹Baabelon-mari Yarusalaam-magaala yabbixe'gidih, tet gasoosat xakabuh coox kee xeet tittin bagul heen. Addal teetik yan mari carbi kee qulul kee dalkâ-gadda yekkeeniih, tohuk gexxaamah ellecabol Baabelon malikil gaba ecee'kal maraaqan. Tah atu inteemiiy; away akah table'nnah, atu inxicca elle inte'nnal tekkeh.

Ermiyaas 36:28

«Aki xambaqen-warkat baahay naharsi warkatal tuktubeh sugtem inkih qagisay elle uktub.

Ermiyaas 39:16

Too saaku YALLI kaak iyyeemih, «Ama Kuusuh yooboke Qebedmelekik intaamah, ‹Yoo YALLAY Nabaamak Nabah, Israayil doore Dagelta kinnihiyya axceemih: Akah inxicca exce innah, a magaalal bala oobiseyyo ikkal, maqaane moobisa. Taham atu isi intih akkih abletto.

Ermiyaas 44:29

Yoo YALLI a baaxol siinit cabe wayu waam, elle taaxigoonu waytaama: malik Xidkiyay Yuudak malikih yenehiyya kaa niqibuk yen Baabelon malikih gabal elle hayya hee'nnal, a saaku kaadu, Masri malikiy migaaqah Malik Cofraq deqsitahiyya kaak naqboytiitih yan marih gabal heeyyo. Too maray kaa qidam faxahiyyah gabal kaa heeyyo. Sin digaalu waam, too waqdi yok aaxigetton. Toh sarra siinit takku waytaamak garci kaloot siinih akkele›, siinik iyyah yan, YALLI, hay» keenik iyye.

Daaniyel 4:28

Malik Nabkadnessarat soonol ubulla heem tekkeeh,

Hosiqa 5:9

Israayil ummatey, digaala siinit edde takku wayta ayro xayih. Israayil foyya akkele. Israayil ummatey, tah nummaak takku waytaama» iyye.

Zakariyya 1:7

Daryawes tu edde taade malik edde yekke nammeyhaytô-sanatak taban kee inikhaytoh alsay Qibraan afat Sebat deqsitahiyyak, labaatanna kee fereyhaytoh ayrot, Nabi Zakariyya YALLIH wacyi yubleeh; iyyeemih:

2 Malikwa 15:12

YALLI duma yan saaku Malik-Yaahuh xagana culeeh iyyeemih, «Ramad kok fereyhaytoh adoh amma 'yam fan Israayil baaxol malikwa akkelon» 'yaanam iyyeh yen. Toh elle iyye innal duudussu hee.

Ermiyaas 28:17

Cananiya, YALLI akah iyye'nnah, too sanatak malcinhaytoh alsat edde rabe.

Ermiyaas 44:2

«Keenik intaamah, ‹Yoo YALLAY Nabaamak Nabah, Israayil doore Dagelta kinnihiyya, Yarusalaam-magaalal oobise bala kee, raqqa 'te Yuudâ-magaaloolil ruube bala isinnih tubleenih. A saaku woo arac num kee lac sinni abuuruh yan.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.