Zakariyya 1:17 - NABUWWA KEE MALIKWA

¹⁷ Tohuk kalah too malaykatti yok iyyeemih, «YALLAY Nabaamak Nabahiyya iyyaamah: ‹Yi magaaloolil yan mara gaddaloola abeyyo. Yarusalaam qagitak anu doorite magaala akkeleeh; tet cateyyom ummatah waris› » yok iyye.

Zakariyya 1:17 Referans Kwoze

Yasaqya 51:3

Macaay inteenik, Siyon-magaalay abuuruh raqtehiyyah xuwaaweyyooh, niqmatak tan baaxo abeyyo. Bacari tekkeh sugte baaxo, Qadanal anu innih uysubuke bustaanih innah, gacele. Too waqdi ummat ruffu axceleeh africele. Yoo fayliseloonuuh, candu yoh gacselon.

Zakariyya 2:12

Too saaku taahirik tan baaxol, Yuudâ-mari dumak kaxxih, YALLIH ikoytah akkeloonuuh; ken rasi kay rasu akkele. Yarusalaam qagitak YALLI doorite magaala akkele.

Yasaqya 14:1

YALLI Israayil ummattah racmateleeh, isih doorite mara nammeyhaak ken abele. Dabqah elle sugen isinni baaxol gacoonay ken axcele. Aki baaxok yemeete mari wokke ken lih angaleleeh, dabqah ken lih gacele.

Qobadya 1:20

Israayilik kilbat le kabul suge maray a saaku marin baaxol yanihiyya aduureleeh, Finiikiya deqsita rasuk Xarafat deqsita aracah amma 'yaanam fan tan baaxo, qeebit raaqiselon. Yarusalaamak been maray Sardis deqsitta magaalal yanihiyya, Yuudâ-baaxok gabbi-qaxat raqta magaalooli abbixelon.

Yacedkel 36:33

YALLAY Mulki lehiyya iyyeemih, «Naharak sin taahirrossa heek sarra, isinni magaalah addal gacca 'teenih tiddigille qarwa akah xissittan innah siinih abeyyo.

Yasaqya 66:13

Ina baxa elle aytikumussa'nnal, anu kaadu Yarusalaam addal sin aytikumuseyyo» iyyah yan.

Yasaqya 54:8

Dago waktih gide kaxxam kot bagcarriteeh darre kot cabeh suge'mmay, ahak wadir way koh maamay, koh nacruureyyooh, kulli way koo akcineyyo» 'yaanam kok iyyah yan. YALLAY koo wadahiyya tama'nnah kok iyya.

Yasaqya 52:9

YALLI isi magaala umaanek wadeh yaniih, isi ummattat niya heeh yanik, Yarusalaam magaalay abuuruh sugtek, away satta le gaditte ab.

Yasaqya 44:26

Takkay immay yi naqoosa, ‹Annah tanim akkele› akak intem kee yi farmoytit, ‹Yalli nek iyye› axcuk edde yabba 'tem inkih numma akkele. Yarusalaamal ahak sarra ummat dabaaqah gacele. Yuudâ-magaalooli ahak sarra xissiimele. Too magaalooliy abuuruh sugtehiyya ahak sarra xissiimele 'yaanam exceeh; toh akkele.

Nacmiya 11:20

Raqqa 'ye maray Israayilih yaabukehiyyak, seeka kee Leewih marih agantah, kulli num keenik Yuudâ-magaaloolik isinni kaxxa abbobti elle sugte aracal dabaaqah gacen.

2 Aydaad 6:6

A saakuh tu gactek, yoo elle yaqbuden qari xisaana'gidih, Yarusalaam magaala dooreh aniih; kaaduuy, Dawudow, yi ummat xiinissa'gidih koo doore› 'yaanam kaak iyyeh suge» iyye.

Zakariyya 3:2

Too waqdi YALLI Seetanak iyyeemih, «Seetanow, YALLI koo yaynaaqalay! YALLAY Yarusalaam doorehiyya koo yaynaaqalay! A num girah addak handifen bocoytih gide. Kaxxa gadaamah addak handifeenih yeyyeeqen numih gide» kaak iyye.

Qaamus 9:14

Israayiliy yi ummat kinnihiyya le baaxoh gacseyyo. Tiddigille magaalooliy abur tekke wadir xiseloonuuh; addal dabaaqah akak gacelon. Qinab aysubukeloonuuh, qinabak bicsen kamri attaaqabbelon. Mango coox aysubukeloonuh xaylo akak akmelon.

Ermiyaas 33:13

Qaleela le rasul tan magaalooli kee, mango koomaami le baaxol tan magaalooli kee, Yuudâ-rasuk gabbi-qaxat raqta baaxol tan magaalooli kee, Benyam rasu kee Yarusalaam xaqul tan gaandoodi kee Yuudâ-magaaloolil, illit duwah yan mari edde yan illik yakkeh gide edde loowan wakti amaatele. Tahat yabtam yoo YALLA» 'yaanam iyye.

Ermiyaas 31:13

Baxuw saxxaqah digreleeh wallitele. Furrayna kee idoolah agantah africelon. YALLI iyyemii, «Anu ruffu ken heeyyooh, edde sugen rooka farcatah keenik gacissa heeyyooh; edde sugen cisab kee gadaamak farcat kee assamaq geelon.

Yasaqya 51:12

YALLI iyyemii, «Niya siinit haytam yoo kinni way, sahdaytuy rabah yoobokeeh qaysok maqarah ayse waahiyyak macah meysittan?

Yasaqya 49:13

Qaraanow, farcatah qililis; baaxoy, wallit; qaleelay, ifricay qililisa! Macaay inteenik, YALLI isi marat niya heeh yanih, isi maray biyaakitahiyyah xuwaawe.

Nacmiya 11:3

Seeka tanuu, Leewih yooboke mari yanuu, Yallih Qibaadah-Qarit taamita mari yanuu, Suleeman buxah taamitak yen marih ramad yanuu, wohuk kalah, raqqa 'ye maray Israayilih ubukka iyyak numuuy isi kaxxa abbak raqte magaalal isi guubul keenik gace. Yuudâ-rakaakayak saqoltih yen maray Yarusalaamal dabqih gacehiyya ah kaana.

Zakariyya 1:14

Too malaykatti, «A farmo ummatat qid» yok iyye. «YALLAY Nabaamak Nabahiyya siinik iyyaamah: ‹Anu Yarusalaam kee Siyon qaley teetil tani afqadook kiciyyooh; teetit umam takkem yoo biyaktah.

Zakariyya 1:18

Tohuk kalah gersi wacyi ubleeh; tohuu, awur gaysoosi fereey takke.

Zakariyya 2:4

Kaak iyyeemih, «Sissikuk gexay, ama baaxo edde yamittiren akat gabat le duubalik intaamah, ‹Yarusalaamal mango ummat kee mango lac sugeleemih sabbatah, inkih tan Yarusalaamat gaso haanam mabicta.

Ermiyaas 33:9

Yarusalaam anu rufto kee kunnaba kee migaq-gexxo elle geya magaala akkele. Kulli baaxoh mari, anu Yarusalaam marah abe maqaane kee Yarusalaamal yan mara gaddaleela elle abe'nna yaabboonu waan waqdi, hagga axceloonuuh axaxitelon» 'yaanam iyye.