Yoosuwa 9:17 - NABUWWA KEE MALIKWA

¹⁷ Too waqdi Israayil mari safarah ugteeh; sidiica ayrok lakal, Gibqon mari elle suge magaalooli gufen. Woo magaaloolih migaq Gibqon kee Kafiira kee Beerot kee Kiryat-Yaqaarim deqsitta magaaloolik ten.

Yoosuwa 9:17 Referans Kwoze

1 Samuwel 7:1

Toh yoobbe waqdi Kiryat-Yaqaarim mari yemeeteh, woo sanduguy YALLIH Qahdi addat akak yani beeniih, Abinadab deqsita numih buxah been. Abinadab guubuh koomah amol yen. Kay baxay migaaqah Alqedar deqsitak yenehiyya, woo sandugih dacayrit akah gaca'nnah, YALLIH garil taahirik yan num kaa aben.

Yoosuwa 18:14

Tokkeek cuduud keenik gersi kaalib fanah yufkune. Tohumuu, ta qalek ayrô-culma le kabut raqta exxak gabbi-qaxa fan makka 'taah; tokkeek Kiryat-Baqal deqsitta magaalay a saaku Kiryat-Yaqaarim deqsittahiyya fan gexxa. Tohum Yuudâ-rasul geytimta magaala. Taham ayrô-culma le kabuk cuduud keenik edde yaadee ikkek ten.

Yoosuwa 15:60

Kiryat-Baqalay a saaku Kiryat-Yaqaarim deqsitta kee Rabba deqsitta namma magaala kenim tekke. Toh lih kaadu woo namma magaalah dariifal sugga 'te gaandoodi inkih kenim tekke.

Yoosuwa 15:9

Tokkek xabba haanam cuduud keenik Neftowa deqsita buyyik bisoh gexak Qefron qaleh xaqul tan magaaloolih amma 'yaanam fan gufe. Tokkeek Baqala deqsitta magaalay a saaku Kiryat-Yaqaarim deqsittahiyya fan makka 'yaah;

Yoosuwa 10:2

Taham kaa kee kay maral kaxxa warigga tekke. Warigga keenil akah tekkem, Gibqon deqsitta magaala Qaay magaalak nabuk teneeh; malikwa luk ten magaaloolik kaxxih kaxxa magaalak ten. Teetil yen mari kaadu qeebil agiirak yenek, Israayil marak qeebih macah gacen iyyaanamak ten.

Yoosuwa 9:3

Takkay immay Gibqon deqsitta baaxoh maray Ciiwih yoobokehiyya Yoosuwa Yeriko kee Qaay magaalal baahem yoobbeenih sugen.

Yoosuwa 9:9

Oson too waqdi kaak iyyeenimii, «Nanu YALLAY sin Dagelta kinnihiyyah xaagu noobbeh xer ikkek nemeete. YALLI Masril abba heem inkih noobbeh.

Yoosuwa 9:16

A qalla haysiteenimih sidiica ayro suggu 'yeenik lakal, a mari keenik garit tan baaxoh mara kinnoonum yeexegeenih.

Yoosuwa 9:18

Tonna'mmay Israayil marih abbobti Gibqon marah YALLAY Israayil doore Dagelta kinnihiyyah migaaqal culen Yalla-kee-xagna kassiteeniih; tohoysa ken qidaanam keenih mabicinna. Tohih sabbatah Israayil mari yakkeenimiik, «Ah macah takke?» 'yaanamah Israayil abbobtil daqwat aben.

Yoosuwa 18:15

Gabbi-qaxat raaqa cuduud keenik Kiryat-Yaqaarim deqsitta magaalak qimbisaah; tokkeek Neftowa deqsitta buyyitte fanah gufa.

Makaabon 18:12

Gaaduh daqaarimeeniih, Yuudâ-rasul Kiryat-Yaqaarim deqsita magaalak ayrô-culma le kabuk raaqe aracal yinfiddigen. Too aracak ta saaku fanah migaaqah Daan-Mafdaga 'yaanam iyyan.

1 Samuwel 6:21

Kiryat-Yaqaarim marah fan farmo ruubeeniih iyyeenimii, «Filistiin mari YALLIH Qahdi addat akak yan Sandug gacseenihik, amay beya» keenik iyyen.

2 Samuwel 4:2

Saawuluk raaqe baxi, kay gaadile warar abte waqdi, naqboytiitik midir buubte qaskar-abbobtik nammay luk yen. Ta qaskar abbobtih nammay migaaqah Baqna kee Rekab deqsitak yenen. Namma toobokoytak yeneenih; akah yoobokeenim, Benyam kedok ten. Ken abba Rimmon deqsita numuk teneeh, Beerot deqsitta magaalal dabqah yen. Beerot, Benyam kedo dabaaqah elle sugte magaalak ten.

1 Aydaad 2:50

Aki maray Kaalibik radehiyyah migooqa ah teeti. Kay barray Efrata deqsittahiyyak naharsi-baxi Cuur deqsitak yen. Cuur Sobal xale. Kiryat-Yaqaarim deqsitta magaala xissem Sobala.

1 Aydaad 2:52

Kiryat-Yaqaarim xise Sobalak rade mari, Haroqe deqsita aracal gace. Manacat deqsita aracal yan marak garab kaadu kaak rade mara.

1 Aydaad 2:53

Wohuk kalah kaadu, Kiryat-Yaqaarim deqsitta magaalal yan marak, Yitra deqsita gulub kee, Fuut deqsita gulub kee, Summa kee Misraaqi deqsitta guluubah mari inkih kaak rade mara. Xorqa kee Estool deqsitta magaaloolil yan mari kaadu woo guluubah marak yen.

Ermiyaas 26:20

Ermiyaasak kalah kaadu, Samaqyáh-Uriyya deqsita nabi yen. Too nabi elle yoobokem, Kiriyat-Yaqaarim deqsitta magaalak ten. Too nabi kaadu Ermiyaasak kaxxih, a magaala kee a marat takku waytaamay YALLI kaak warisa iyye warseh yen.

1 Aydaad 12:4

Gibqon magaalal yooboke Yismaqyaahu deqsita qaskariitay yimixxige agiruk yeneeh Yaaxigen Soddomuk numuk teenah yenehiyya kee Gadeera magaalal tooboke qaskaray Ermiyaas kee Yacadiyel kee Yocanan kee Yoodabad migaq luk tenehiyya kee