Yoosuwa 8:31 - NABUWWA KEE MALIKWA

³¹ Woo arac Muusay YALLIH naqasuh yenehiyyal oobe Yallih amri elle yan kitab elle iyya innal bicse. Woo kitaabal Israayil marak YALLI iyyaamah, «Yoh sadgat elle aban arac bicissan waqdi, birtak bicsen mansafat ore ween xeetik bicisa» 'yaanam iyya. Tonnal too arac bicseenik lakal too aracal cado akak carrisan saqa sadgatah qiden. Amaanah-xiinaanamih-astah-aban-sadgoota kaadu tokkel aben.

Yoosuwa 8:31 Referans Kwoze

2 Aydaad 35:12

Sarra cado akak carrisan sadgatih mattacoh qaada ummattâ-gabal heenih; too mari gulub-gulubuh baxsimma 'yeh, too sadgat YALLI Muusal oobise xinto elle inta innal, YALLAH xayyoosen. Tonnah kaadu yesketten awurwa sadgatah xayyoosen.

Yoosuwa 1:8

Tama xinto elle tunkuttube kitab kulli waqdi kassitay mahawweenin. Bar kee laqoh kawis. Tama kitaabih addal tanim inkih duudussem keh nagay isik cubbus. Taham abtek kullim kol amqeleeh; kullim gabal akak bicta num akketto.

Nacmiya 13:1

Too saaku Yalli Muusal ruube xinto fayya haak yikriyen waqdi, kitab addak «Qammon kee Mooyab deqsitta kedoh yooboke mari, Yallih mari diini qaadah elle gaaboowe arac amaate waama» 'yaanam inta exxa keenih yikriyen.

Qedra 6:18

Muusal oobe kitab elle inxicca iyya'nnal, seeka kee Leewih yooboke mara, butta-buttah hayya heenih Yarusalaamal Yallih Qibaadah-Qarit aboonu waan taama keenih warsen.

2 Aydaad 25:4

Takkay immay Yallih xinto elle tan kitaabay Muusal obtehiyya elle inta innal, oson abeenimih ken xaylo maqidinna. Too xintol, «Abba baaheemih xaylo maqidinaay; xaylo bahteemih abbobti maqidina» 'yaanam tan. «Numul rabi elle yamaatem, dagaak num isih baahe umaane» 'yaanam tan.

2 Malikwa 22:8

Safan, malik kaal ruube farmo Cilkiyyah warseh. Too waqdi Cilkiyya, farmo-baahe-Safanak iyyeemih, «Yallih-xinto elle tan kitab, YALLIH Qibaadah-Qarih addal geeh; taway too kitab koo ayballayu waa» kaak iyye. Sarrak too kitab baaheh kaa yuybulleeh; Safan too kitab yikriyeh.

2 Malikwa 14:6

Takkay immay Yallih xinto elle tan kitaabay Muusal obtehiyya elle inta innal, oson abeenimih ken xaylo maqidinna. Too xintol, «Abba baaheemih xaylo maqidinaay, xaylo bahteemih abbobti maqidina» 'yaanam tan. «Numul rabi elle yamaatem, dagaak num isih baahe umaane» 'yaanam tan.