Yoosuwa 8:2 - NABUWWA KEE MALIKWA

² Qaay magaala kee malikik, duma Yerikô-magaala kee tet malikik abba haytem abetto. Tonna'mmay magaalal geytoonu waytan duyye kee saq isinnih haysitetton. A magaala darreek gacca 'teeniih garciik abbixetton» kaak iyye.

Yoosuwa 8:2 Referans Kwoze

2 Aydaad 20:22

Ta mari Yallih saare qimbissa hee waqdi, qeebih keenih amaatuk sugte qaskarat YALLI badit abe.

Yoosuwa 6:21

Magaalah addal suggu 'ye marak lab mara takkuu, say mara takku urru takku idoola takku inkih seefit qiden. Toh lih kaadu laay illi kee danoona qideenih.

Ermiyaas 51:12

«Magaalâ-gasoosa yabbixeeni'gidih, astah saro fayya hayisa» inta. Dacayrih gacu waa mara haa! Qaskarak, ‹Isin qeebi keenit elle abtoonu waytan ikket sasay suga› inta». YALLI Baabelon marak abeyyo iyyem abele.

Ermiyaas 17:11

Qagseh, «Lakqo gita-maliinol geya num naala xale waa kimbiirih bis le. Tonnah yan num qumrik garabah yamaate saaku, gaddaliinok luk suggu 'yeemik foyyal raaqa. Ellecabol duqur yakke» iyye.

2 Aydaad 13:13

Usuk too yaabat yan waqdi, Yarobqam isi qaskarak tu takkem ruubeeh, «Gexay darre le kabuk gacca 'xicay qeebi keenit elle abtoonu waytan ikket sasot suga» iyye. Yuudâ-mari Yarobqam fanah afkunuk sugeeh, darre le kabuk tamaate qaskar garciteenih. Sarrak wonnah darre le kabu wagga heen waqdi, Israayil-qaskar marot ken tabbixem yublen. Too waqdi, «YALLAW nee cat» axcuk Yallat xaaqimen. Seeka qeebi qimbisa 'yaanamih astah baanta toogoreeh;

Yoosuwa 10:28

Tohuk lakal Yoosuwa Makkeda deqsitta magaalat qeebi abeeh, tet kee tet malik woo qeebit yibbixe. Too magaalal suggu 'ye mara seleh. Num nuwwuk keenik macabinna. Makkedah malikik woo Yerikô-malikik abba heem abe.

Yoosuwa 10:1

Yarusalaam malikiy Adoonixedek deqsitak yenehiyya Yoosuwa Qaay deqsitta magaala yibbixeeh teetil suge mara inkitanuuk bayseeh tet malik kaadu qidem yoobbeh. Yeriko deqsitta magaalak kaadu tonnah abem yoobbeh. Toh lih kaadu Gibqon mari Israayil mara lih qalla haysiteenih ken addat yaniinim yoobbe.

Yoosuwa 8:24

Israayil mari, Qaay maray woo bacarih tan baaxo fanah ken yeyreddehiyya inkih woo bacaril qiden. Sarrak kaadu uduurra 'yeenih magaalah addal raaqe mara inkih selli heen.

Yoosuwa 8:19

Yoosuwa too macaxu too magaala fan akah yescesse innaak, sasot suge mari Qaay magaala fan arduk gexeenih yibbixeeniih, gira teetit ruuben.

Yoosuwa 8:14

Qaay malik Yoosuwâ-mara yuble waqdi, sissikuk kullim bical hee. Kaa kee kay mara salafak ken yaataku waa mari yanim maaxaginnoonuy duma qeebi keenit elle aben Ordon weeqaytih kabu yemeeten.

Yoosuwa 8:12

Koona alfih qaskariita bahha heeh, Qaay magaala kee Beetal deqsitta magaalak fanal, Qaayak ayrô-culma le kabut raaqa aracal, raarisak akah sugan innah ken cabe.

Yoosuwa 8:9

Tohuk lakal Yoosuwa ken ruubeeh; osonuuy edde yambooqoroonu waan arac fan gexeeniih, tokkel Qaay magaalak ayrô-culma le kabul Qaay kee Beetalak fanal sasot sugen. Yoosuwa woo bar woo elle yinfiddigen aracal elle xiine.

Yoosuwa 8:7

Too waqdi isin edde tombooqoren aracak eweqqa 'teenih Qaay magaala abbixetton. YALLAY sin Dageltah yanihiyya a magaala siinih aceele.

Yoosuwa 8:3

Yoosuwa inkih tan qaskar luk Qaay magaala gexa'gidih bical gace. Qaskarak addak dooren marak soddom alfih num yeyyeeqeeh, barat ken ruube.

Yoosuwa 8:8

Anu sin amrisaamah tet xabba haytan waqdi, YALLI sin akah amrise innal, gira teetit ruuba» keenik iyye.

Yoosuwa 9:3

Takkay immay Gibqon deqsitta baaxoh maray Ciiwih yoobokehiyya Yoosuwa Yeriko kee Qaay magaalal baahem yoobbeenih sugen.

Yoosuwa 11:14

Israayil mari woo yibbixen magaaloolil sugga 'te meqe duyye kee saqak tu macabinnoonuy isinnih beeten. Ummattakaay tu macabinnoonuy inkih qiden.