Yoosuwa 7:15 - NABUWWA KEE MALIKWA

¹⁵ Sarrak anu koo ayballayu waa numuu, ‹Mabena› exce duyye bee num kinnim aaxigettooh; too waqdi kaa kee kay buxah mara kee usuk yedderem inkih cararisaanama. Israayilil qaybih tanim bahteeh yo'lih luk yen xagana bayissem too numu» iyye.

Yoosuwa 7:15 Referans Kwoze

Makaabon 20:6

Sarra tet ginaada beeh irgiggiqqa heeh Israayil mari elle eneyya 'ya ikke exxa-exxa keenih ruube. A umaane abe mari, uma-taamay caraamak tanihiyya ni addal abe mara kinnon.

2 Samuwel 13:13

Qagisseh, kaak inteemih, «Ah yot tikka 'teh, elle raaqa'kke mayyuuy; atu kaadu ahat assek, Israayil rasul qaybit radettom ixigay. Ahamat assaamak, ku maganak malik lih yaabay. ‹Tet yoh ab› intek, yoo koh abelek, ku maganak ahak raq» kaak inte.

1 Samuwel 26:21

Too waqdi Saawul kaal gacseemih, «Umam baaheh anik, yi Dawudow, ahaysa uduur. A bar rooci yok waddek sa, kol umam baahaanamat maqagita. Duquruk sugtem yoo. Kaxxam umam baahe» iyye.

Yoosuwa 7:11

Israayil mari dambi lem baaheeh; anu ‹Maabina› keenik excem abeenih ken lih hee qahdi makeenih. ‹Mabena› exce duyye garqeenih isinnih haysiten. Isinni duyyet yesgelleeniih too duyyek diraabah niimi iyyen.

Yoosuwa 7:16

Too ayrok geeri ayro Yoosuwa Israayil mara kedo-kedoh hayya heeh fooca fan baahe. Yuudâ-kedo kaa yuybulleeh, ken gulubuh hayya heeh fooca fan ken xayyoose. Darâ-maray gulubuh tittak yanihiyya kaa yuybulle waqdi, tonnah kaadu, fooca fan ken xayyoose. Ken kaadu buxa kee buxâ-marah hayya heeh xayyoose. Sarrak Dabdî-buxah mara kaa yuybulle waqdi, kay buxah mara fooca fan xayyoose.

Makaabon 20:5

Gibqâ-mari qeebi yot aba'gidih bar yemeeteeh, addal akak an qarit maro heen. Naharak yoo qidaanam faxeeniih, sarra yoo cabba heenih yi barra cayliseeniih woo caylisut edde rabte.

Makaabon 20:10

Israayil xaylok tabanhaytoh af, gaaduh gexa marah leek maaqo baahaanamaay; wohuk raqqa 'ye mara Gibqâ-magaalal yan maray a umâ-yabulit asehiyya digaala'gidih genxaama» 'yaanam iyyen.