Yoosuwa 7:12 - NABUWWA KEE MALIKWA

¹² Israayil mari naqboytiitit akah koysite weem tohih sabbata. Wadir wadirih keenik yoowweenih; toh akah keenit tekkem, keenit kaadu baatî-cokmi yekkeemih sabbata. Isinnih mahaysitinay bayisa siinik exce duyye bayse'kal, sin qaxat magaca.

Yoosuwa 7:12 Referans Kwoze

Yasaqya 59:2

Sin akah aabbe waam, isin abtan umaaneh sabbata. Sin Dageltak sin tayxeerem, isin abtan dambi.

Makaabon 2:14

Toh keenik yuble waqdi, YALLI bagcarriteeh; umeynit buxaaxi keenik akah bubta'nnah abe. Dariifal keenik sugga 'te naqboytit caylah keenik yiysiiseh. Naqboytiitit koysitoonu yeffereenih.

Yoosuwa 6:18

Tonna'mmay woo bayissoonu waytan duyyek isinnih tu isinnih maraqsitina. Wohuk tu raaqisseenik, Israayil marah umaane kee baati baahettoonum ixiga.

Cabakkuk 1:13

YALLAW, ku inti taahirik tan inti kinnuk, umam tablem maqansissa. Umaane aba mara xiqa Dagelta hinnito. Hay ta uma-qamal-leela abta umaane mannal qansissa? Keenik fula cakki gital yan mara baysah ken table waqdi, tibba mannal inta?

Hosiqa 9:12

Dadlisen xaylo kinni way, num raaqe'kal keenik beeyyo. Ta marat darre cabu waa saaku, woyyow keenil obtu waytaamak!» iyye.

Ermiyaas 23:33

Ermiyaas iyyemii, YALLI yok iyyeemih, «Tahak wadir yi marih num takkuu, seeka kee nanu nabuwwa kinnino iyya marak numuk teeni, ‹YALLI farmoh maca kol ruube. Ta saaku kaadu quukah maca nel haam faxa?› kok iyyeenik, keenik intamaa, ‹YALLAL quuka tekkem siiniiy; tohuk gexxaamah YALLI sin bayisaamat yemeeteh yan› keenik inxic.

Ermiyaas 6:8

Yarusalaam maraw, a saaku siinik excem, kas siinih takkay! Cinteenik, darre siinit cabeyyooh, magaala siinik abuuruy num elle ane waa abeyyo».

Makaabon 2:4

YALLIH malaykatti ah iyye waqdi, inkih tan Israayil ummatta weqteh.

Makaabon 16:20

Sarrak anay fayya haak, «Samsoonow, Filistiin mari kot yemeeteh» inte. Too waqdi usuk xiinik ugteeh; dumaak akah abak suge'nnah, ugutta 'yeh daqaarimma axcelem yekkeleeh; YALLI wakalih kaa'lih mayanim maaxaginna.

1 Samuwel 14:38

Too waqdi Saawul qaskar abbobtik, «Annah yol amay, dambi abe mari yenek, ken nayyaaqeemi» iyye.