Yoosuwa 7:11 - NABUWWA KEE MALIKWA

¹¹ Israayil mari dambi lem baaheeh; anu ‹Maabina› keenik excem abeenih ken lih hee qahdi makeenih. ‹Mabena› exce duyye garqeenih isinnih haysiten. Isinni duyyet yesgelleeniih too duyyek diraabah niimi iyyen.

Yoosuwa 7:11 Referans Kwoze

Zakariyya 5:4

YALLAY Nabaamak Nabahiyya bala ruubeleeh, too bala inkih tan garoqti kee xiibitak diraabat yabba 'ya marak buxaaxi culele. Too bala too marih buxak magexxaay, buxaaxi abur keenik abele» yok iyye.

Cabakkuk 2:6

A saaku qeebil akak yeysen mari keenil anqaasak maaciseloonuuh, ken bursutelon. «Garaqtan duyye gaaboysaah, marak bukkuse duyyet gaddalite maraw, woyyow siinit takku waytaamow!» keenik axcelon. «Garqiino abaah, mago bee marak dulmil mago gacsa maraw, aham fan gaddalitteenih. Annal hay, magid fan sugtoonu waytaanah tanin!» keenik axcelon.

Hosiqa 6:7

«Adamak kaxxih a mari ken lih heeh suge bica yol makeh.

Ermiyaas 31:32

Too saaku ken lih hayu waa qahdi, anu gaba keenik xabba heeh, Masrik ken eyyeeqe saaku, ken abbobti luk abe qahdi innah yan qahdi mayakka. Too saaku baqli barrah elle yamqeeh amo teetik elle wagta gurral, anu kaadu ta marah muqukuuy amo keenik wagitak suge'mmay, tohuh ken lih abe qahdi yol makeenih.

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

2 Malikwa 18:12

Israayil-marat tonnah tanim tekkeeh; toh keenit akah tekkem, YALLAY ken Dageltah yanihiyyah amri cineenimih sabbata. Oson YALLI, Muusay kay naqasu kinnil ruube amri cineeniih, YALLI ken lih abe bica xaguraanam maabinnon.

Makaabon 2:20

YALLI toh yable waqdi, kulli way bagcarritak yeneeh, «A mari yi yab cineeh, anu ken kaxxa abbobti lih hee Yalla-kee-xaganal digga iyyoonu cineenih.

Yoosuwa 23:16

Usuk xagura siinik iyye kay xinto xagure wayteeniih, tonnah kaadu, YALLAY sin Dagelta kinnihiyya maaqilla hayteenih, deedaltamay yalla axcuk yaqbudeenihiyya tuqbudeenik, wohih taamat gacteenik, YALLI isi bagcarrat sin digaaleleeh; away siinih yecee niqmatah tan baaxol num siinik maraaqa» keenik iyye.

Yoosuwa 7:1

YALLI Israayil marak, «Yerikô-magaalak baysi akak faxxiima duyye bayisaay; yoh rikeek baxsah heeh meqe duyye baxsah haa» 'yaanam iyyeh suge'mmay, woo amri moggoliminna. Qaakan deqsita num woo amri cineh sugeeh; tohuk gexxaamah YALLIH bagcarra Israayil mara gufte. Qaakan Karmi deqsita numih baxak teneeh, Dabdi deqsita numuk kaadu baxi baxak ten. Dara deqsita gulubuh aabakuk yen. Dara Yuuda deqsitta kedoh aabakuk yen.

Yoosuwa 7:10

Sarrak YALLI kaak iyyeemih, «Ugut. Baaxok bagul annah magacin.

1 Samuwel 14:38

Too waqdi Saawul qaskar abbobtik, «Annah yol amay, dambi abe mari yenek, ken nayyaaqeemi» iyye.

2 Malikwa 5:24

Kooma gufen waqdi, Gecdi namma kiis keenik beeh buxah adda culse. Sarrak woo marak, «Ahaysa Niqmaan fan uduura» iyye.