Yoosuwa 6:4 - NABUWWA KEE MALIKWA

⁴ Malcina seekiy maruw gaysak bicsen *baanta gabat lehiyya woo YALLIH Qahdih-Sanduguk foocat gexxaama. Malcinhaytoh ayro woo seeka baanta taagure waqdi, koo kee ku qaskarak takkeenimik woo magaalat malcina adda mermerita.

Yoosuwa 6:4 Referans Kwoze

2 Aydaad 20:17

A carbih qeebi maabinay, inki aracal missowwa 'xicay elle idiya. Too waqdi YALLI siinih yacayu waa nasri isinnih abletton. Tonna'mmay Yuuda kee Yarusalaam magaalah maraw, meysi kee bagbaggoowiyya cabba haay, qeebih eweqa; YALLI sin lih yanik» 'yaanam keenik iyye.

2 Aydaad 20:21

Yacoosafat isi mara lih malissa heek lakal, Yallih saare aba marak, «YALLIH Qiidih ayro edde gactan sarat gacca 'xicay qaskarak foocat, ‹YALLIH kacni mayambaxak, tohul candu kaah gacisa›, axcuk YALLA saarisak gexa» iyye.

1 Malikwa 18:43

kaa'lih yan kay taamat yan numuk, «Gexay bad fan wagit» iyye. Taamâ-num gexeeh yuduure waqdi, «Tu maballiyo» axcuk yuduure. Eliyyas malcina adda qagamqagisak, «Gexay wagitay am» kaak iyye.

2 Malikwa 5:10

Eliisaq, kaadintu kaa fan ruubeeh; woo num kaak iyyemii, «Ordon-weeqaytut malcina adda kaqal. Toh abtek, dalkak tu ko'lih maraqtay taahirroowetto, kok iyyah yan» kaak iyye.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Zakariyya 4:2

«Away tableemih tu maay lito?» yok iyye. «Dahabak bicsen caxxay faanus bagul akak haanahiyya ableh an» kaak exce. «Woo faanus elle haan caxxih amol malcina faanus yan. Kulli faanus malcina dubaalat edde haan arac le. Amol akak zeyti (saliid) edde yan sacni yan.

Yasaqya 27:13

Too ayro, kaxxa *baanta aagureloonuuh tet kaayiselon. Masri kabuk gitah been mara kee, Assuuriyal baatit yan marah seecaana'gidih tet aagurelon. Too baanta aabbeloonuuh amaatelon. Yarusalaam-qaley saytunil YALLA aqbudeloonuuh, kaa aynabelon.

2 Aydaad 20:19

Leewî-kedok Kohat kee Korac akak iyyan mari anay fayya haak, YALLAY Israayil doore Dagelta kinnihiyya faylisen.

2 Aydaad 13:12

Qeebil Yalli isih nee miraaciseleeh; kay seeka qeebi sin lih abnu wayna waqdi, taaguru wayta *baanta taagure'gidih bical tan. Tanna'mmay Israayil ummatey, siinik axceemihii, YALLAY isin akak radden sin kaxxa abbobti doorehiyya lih qeebih abtaanam maduddaanak mataqabina» 'yaanam keenik iyye.

Yoosuwa 6:3

Koo kee ku qaskar lica ayroh gide, ayrol inki adda magaalak iro le kabuk woo qaxaak a qaxa mermeritetton.

Yoosuwa 6:5

Sarrak baanta ayseede'kal waqla fan meqe gide xongolisaanama. Too anay taabben waqdi aki mari yakkeemiik xongolaama. Too waqdi woo magaalah gasoosa inkih addah addigillele. Tohuk lakal qaskar elle sugte'kkek takkeemiik magaala cultaama» kaak iyye.

2 Malikwa 5:14

Sarrak Niqmaan Ordon-weeqaytu fan gexeeh, Eliisaq ab kaak akah iyye innah, malcina adda kummatta edde iyye waqdi, xagar inkih kaak qaffoote. Xagar kaak qaafiyat kee maqarah furrayni baxi innah kaak gacca 'ye.