Yoosuwa 6:25 - NABUWWA KEE MALIKWA

²⁵ Yoosuwa, Racab kee teetih ramad elli haytam inkih rabak cateh. Woh akah abem is, usuk Yerikô-magaala fan gibah ruube namma num tooqoreh raaqisseh ten. Teetih ramad le mari a saaku fan Israayil baaxol yan.

Yoosuwa 6:25 Referans Kwoze

Yoosuwa 4:9

Yoosuwa kaadu taban kee namma xaa Ordon gudel Qahdi-Sandug tabbixe seeka elle solta ikkel soolise. Woo xeet uxih a saaku fan tokkel yan.

Yoosuwa 2:1

Tohuk lakal Yoosuwa, Tikible-Golo deqsita aracak namma num gibah ruube. Farrintoh too namma numuk iyyemii, «Kanqaan baaxok axcihiiy Yeriko deqsitta magaala sasot rebsimak gexay gibitay gaca» iyye. Too namma num gexxeeh; woo magaala gufen waqdi, Racab deqsitta xiiqareh xiinah buxa gexeeniih; wokkel elle xiinen.

Yoosuwa 2:4

Too waqdi kaak intemii, «Sinam temeeteh sugte'mmay akak yemeeten ikke maaxiga. Tonna'mmay oson magaalah afa alfintaamak naharat ayro culte waqdi yi buxak gexen. Elle gexen qaxa maaxiga'mmay xayih lakat keenik gexxeenik ken aybeebexetton» keenik inte. Takkay immay Racab woo namma numuy gibah yemeetehiyya qari amol tan kafte talbi-qaalay sartan akak bicsaanahiyyah gubat ken tooqoreh raaqisse.

Yoosuwa 2:18

Tonna'mmay atu abtaamahaa, nanu sin magaala nabbixe'gidih namaate saaku, woo nee akattat toxeeh akak rubte taagatat qasa akatta astah uxuyay sug. Ku abba kee ku inaay ku tooboko kee kok ramad elli haa mara inkih isi buxal sugus.