Yoosuwa 5:14 - NABUWWA KEE MALIKWA

¹⁴ Woo numuuy, «Woo marak num hinniyo. Anu akkel YALLIH qaskarih abbah an» kaak iyye. Too waqdi Yoosuwa kay massakaxxah moyya baaxol xagga heeh, iyyemii, «Anu yi abbaw, ku naqasu kinniyok, maca yok aba intaah?» iyye.

Yoosuwa 5:14 Referans Kwoze

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Daaniyel 12:1

«Too malaykattuy meqe-sarot sartanah yani yok iyyeemih, ‹Too saaku woo qande le malaykattuy Mikaayil deqsitaah ku ummatta dacrisahiyya amaatele. Kaxxa gibdaabini edde yan wakti sugele. Ummatta tunkullukeemik xabba haanamaay akke, sinaamat way akke wayte gadaama akkele. Too saaku ku ummattak migooqa Yallih kitaabal akak tunkuttube mari inkih cattiimele.

Daaniyel 10:13

Fursih doolatat dacayrih yan malaykatti labaatanna kee inki ayroh gide amaate yoo kalak suge. Woo Fursih-doolatak gexe yoo kalak yeneenimih sabbatah, Mikaayiliy malaykah abbobtik numuk teena kinni, yoo cata'gidih yemeete.

Yasaqya 6:8

Sarrak «Farmoh iyya ruubaah? Ni farmoyta takku waytam iyyaay?» 'yaanam YALLA axcih oobbe. Anu too waqdiiy, «Anu akkeyyok yoo rub» exce.

Yoosuwa 20:1

YALLI Muusa suge saaku kaak iyyeemih, «Num qide num megloh gexu waa magaalooli faxxiimele. Garcik num gabat akak rabe num, gabat kaak rabe numih ramaday caneh kaa qidam faxahiyyak too magaalooli fanah megloh gexele» kaak iyyeh suge. Tonna leemiik YALLI taway Yoosuwak iyyeemih, «Israayil ummatak intaamah, too magaalooliy num megloh gexu waahiyya doorittaanama.

2 Samuwel 7:19

YALLAW, Mulki le Dageltaw, a saaku inkinnah duma neh abteh sugte maqaanek giffa 'ta maqaane neh abte. Yi ramadah kaadu sarrî dabaanal abtu waytaamat yabteh. Sahdaytu luk haysitta angaaraw tama'nnak tanih tan!

2 Samuwel 7:20

Yooy ku naqasuh yanihiyya isih taaxigehik, anu maca axco!

Yacedkel 3:23

Too waqdi golo fan oobe. Tokkel duma Kabar deqsita weeqaytih garil an waqdi elle uble'nnal, YALLIH nabna yoh tumbulle. Too waqdi baaxol gomboh rade.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.