Yoosuwa 4:24 - NABUWWA KEE MALIKWA

²⁴ Tahak gexxaamah baaxô-bagul enna 'ya mari YALLIH qandek leh gide aaxigeloonuuh; isin kaadu YALLAY sin Dagelta kinnihiyyak daayiman meysitak xiinetton» keenik iyye.

Yoosuwa 4:24 Referans Kwoze

1 Aydaad 29:12

Gaddaliino kee midir akak temeetem koo; mulki lem koo; kullim inkih isi cayla kee qandet xiinissa. Sahdaytu kaxxa num abtah, celem abtam koo.

2 Malikwa 19:19

Tonna'mmay ta saaku, YALLAW, ni Dageltaw, ta numih gabat rade nee kal. Ta numih gabak nee teyyeeqek, YALLAW, kok sa Yalli ane waam, baadal tan doolatwa inkih aaxigele» 'yaanam dooqah iyye.

Ermiyaas 32:40

Hawwensime waa qahdi ken kee inni fanal heeyyo. Maqaane keenik mayseediya. Yok meysita mara ken abeyyooh, tohuk wadir darre yot macaban.

2 Malikwa 5:15

Too waqdi isi mara is lih hayya heeh Eliisaq fan gexeeh kaak iyyemii, «Tawayaay Israayil ummat taqbude Yallak sah Yalli mayanam eexegeh. Tonna'mmay Yallih numow, a mattaco yok oggol» iyye.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.

1 Malikwa 8:60

Tonnal, addunyâ-bagul yan mari inkih, Yalli dibuk kaa kinniih; kaak sa gersi Yalli ane waam aaxigelon.

1 Malikwa 8:40

Tonnal ku mari atu ken kaxxa abbobtih ikoytah tecee baaxol yaniinim fanah ku yab oggolak xiinelon.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.