Yoosuwa 3:3 - NABUWWA KEE MALIKWA

³ too waqdi keenik iyyeenimih, «Seeka, YALLAY sin Dagelta kinnihiyyah qahdi addat akak yan Sandug, quukah baahah tablen waqdi, litoonum ussukuqay ken kataata.

Yoosuwa 3:3 Referans Kwoze

2 Samuwel 6:13

YALLIH Qahdi addat akak yan Sandug quukah yabbixe mari, lica maaqattah gide foocah gexxa iyyen waqdi, Dawud, «Idiya» keenik iyyeeh, yeeden. Too waqdi Yallih migaaqal sadgatah awur kee nagay mulkuqusen rugaytu yusguude.

Yoosuwa 3:8

Qahdi-Sandug quukah tabbixe seekak, ‹Weeqaytu guftan waqdi ibah adda akak gacay, soola› keenik inxic» iyye.

2 Samuwel 6:3

Woo Sandug, Abinadab deqsita numuy qaleh amol buxa luk yenehiyyah qarih addal suge. Tokkek beyya heenih qusba gaariy awurwa giitak beytahiyyal hayya heenih been. Abinadab xayloy migaaqah Qudda kee Acyo deqsitak tenehiyya woo gaari miraacisak teneeh; Acyo keenik foocat gacca 'yeh gexe.

Yoosuwa 6:6

Too yab yoobbek lakal, Yoosuwa seekah seeceh annah keenik iyye. «YALLIH-Qahdih-Sandug beyaay malcina seekiy maruw gaysak bicsen baanta lehiyya foocat isinnik haa. ‹Woo Qahdih Sanduguk foocat gexa› keenik inxica» iyye.

Yoosuwa 4:10

YALLI Yoosuwah elle amrise innal, ummatta too taamak gaba kalla haytam fanah seeka wokkel elle soolak sugte. Tonnal Yoosuwa Muusa elle iyye'nnal abe. Raqqa iyye mari weeqaytuk sissikuk tabe.

Yoosuwa 3:6

Sarrak seekak, «Isin kaadu Qahdi-Sandug luk ummattak foocat gexa» iyye. Seeka usuk iyyem abte.

Yoosuwa 3:4

Isin a baaxo mataaxigaanaay gita oson sin aybulleelon. Takkay immay gexxan waqdi woo qahdih sandugul maxayyoowina. Woo sanduguk salaf le kabuk inki kiilomitrih gide akak exxeeray gexa» iyyen.

1 Samuwel 6:15

Tohuk lakal Leewih yooboke mari YALLIH Qahdi addat akak yan Sandug kee, dahabay laahi-baxxa kee hantuuti-ceeloh gurral bicseenihiyya addat akak yan sandug beyya heenih woo kaxxa xixxaqih bagul heen. Tokkel too ayro woo magaalah mari, cado akak cararisan sadgoota kee aki sadgoota YALLAH aben.

1 Malikwa 8:3

Sarrak Israayil ummattak saqoltih yen mari elle yani ikkel, seeka Qahdih-Sandug ukkuqqa hayteh Yallih Qibaadah-Qari fan beyte. Leewih yooboke mara kee seeka, Yallih Nabnah-Siraq kee tet addal sugte duyye inkih Yallih Qibaadah-Qari fan been.

Ermiyaas 33:18

Tonnah kaadu, kulli dabaanal Leewi-deqsitta-kedok numuk teena seekih heeyyo. Too sek yoh sadgat aban waqdi, cado akak carrisaana'gidih baahan lac kee, tonnah kaadu, yi migaaqal sadgatah baahan daro kee, wohuk kalah taniimiy sadgatah baahaanahiyyah taamat gacele; toh kay taama» 'yaanam iyye.