Yoosuwa 24:8 - NABUWWA KEE MALIKWA

⁸ Sarrak Amoorâ-marih-baaxoy Ordon weeqaytuk ayrô-mawqa le kabut raaqahiyya fanah sin baahe. Wokkeh mari qeebi siinit abeh immay keenik sin iysiiseh. Baaxo keenik beyteeniih isin bisoh gutuqak elle tamaateenimil ken bayseh.

Yoosuwa 24:8 Referans Kwoze

Nacmiya 9:22

«Mango baaxô-doolatwa qeebil ken tiysiise. Too baaxooxak kulli'kkel suge marih baaxol ken nookisse. Sicon abbah elle suge Cesbon deqsitta baaxo ken gabal hayte. Qoog abbah elle suge Basan deqsita rasu kaadu ken gabal hayte.

Yoosuwa 13:10

Tohuk kalah cuduud keenik Qammon marih baaxok cuduud edde idiyya iyya ikke fanah gufak yen. Amoorâ-malikiy Sicon deqsitak yeneeh dabaaqah Cesbon deqsitta magaalal sugehiyya elle ackamuk yen magaaloolih agantah keenih kure.

Qaamus 2:9

« ‹Takkay immay yooy YALLA kinnihiyya, Amoora deqsita maray xexxaarah calawwayti gide yakkeeh caylah lubak inna luk yenehiyya, sella akah heem, sin taagak ten.

Qaamus 2:10

Too Amoorah mari ikoytah luk suge baaxo siinih acee'gidih, Masrik addak sin eyyeeqeeh, bacarih tan baaxol morootom sanat sin abbaxuk suge.