Yoosuwa 24:20 - NABUWWA KEE MALIKWA

²⁰ Kaa cabba hayteenih marin mari yaqbudem tuqbudeenik, gaba siinil qideeh sin digaalele. Duma siinih maquk sugaamah, sin baysele» keenik iyye.

Yoosuwa 24:20 Referans Kwoze

Yacedkel 18:24

«Meqe num abak suge maqaane cabbaay, uma mari abak suge umaane kee taamat cule kaa tekkek, tonnal waaru waam maay takkalen? Waar hinna'mmay, woo duma abe maqaane kaak baata. Luk suge imaan cabak, yok yexxeereeh dambit aseemih sabbatah, rabele.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

1 Aydaad 28:9

Too waqdi Suleemanak iyyemii, «Yi baxaw, atu kaadu isi abba aqbuduk suge Dagelta taaxigeemiiy namma kalbi aalle'kal kaah taamittaamih fayxi taalleemi. Kaak kalih imih taamittam cabba hayteh dibuk kay taamat gactaama. YALLI nanu nacsubem kee niyatnam nek yaaxigeh. Niya kaa fanah haytek, kaa gee lito. Takkay immay darre kaat cabtek, darre kot cabeleeh; way kol mayaduura.

Yasaqya 63:10

Keenih tu gactek, kay yab cineeniih kay Roocaaniyyay *kudduusuk tanihiyya qaadiseenih. Tonna leemiik YALLI naqboyta keenik yekkeeh, isih qeebi keenit abe.

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Qedra 8:22

Kaadu keenik exceemih, «Anu dumah yan saaku Malikik, ‹Ni Dagelti isil yaamine marat barkat haah, darre isit caba mara fan mawagitaay, ken digaalah› 'yaanam exceh sugeemih sabbatah, sarra qaskaray faaris amok qeebi abtahiyya gital umeynitik nee dacrissa'gidih ‹Neh ucuya› 'yaanam, malikik axcem wacarriy yol tekke» exce.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

Yoosuwa 24:21

Too waqdi ummatta Yoosuwal gacissemii, «Aleeyyah, nanu YALLA aqbudenno» iyyen.

1 Samuwel 12:15

Tonna hinna'mmay, YALLIH yab aabbe wayteeniih kay amri cinteenik, tonnal YALLI sin kee sin malikil inkih umam baahele.

1 Samuwel 12:25

Dambit bisoh inteenik, sin kee sin malik inkih bayselem ixiga» keenik iyye.

1 Aydaad 28:8

«Hay taway, yi ummatey, ni Dagelti yoo elle yaabbeeh, siiniy YALLIH ummat kinnihiyya yoo elle tablen ikkel, yaabah aniih; YALLAY ni Dageltah yani nee amrissa heem cubbusak abtaanam siinil cabah an. Tah duudussa hayteenik, ta baaxoy usuk siinih yeceehiyya sin ikoyta akkeleeh; baxak baxal ikoytah siinik raaqele» 'yaanam iyye.