Yoosuwa 24:18 - NABUWWA KEE MALIKWA

¹⁸ A baaxol kaadu bisoh elle genxaamal, YALLI Amoorâ-maray akkel sugehiyya baaxok yeyyeeqeh. Tonna leemiik koo kee ku buxa elle abtan innal, nanu kaadu YALLA aqbudenno. Ni Dagelti kaa» iyyen.

Yoosuwa 24:18 Referans Kwoze

Zakariyya 8:23

Too saaku Yahuuduh aabuke wee marak tabna num, Yahuuduh yooboke marak numuk teenal amma 'yeenih, ‹Yalli sin lih yani 'yaanam noobbeeh; tohuk gexxaamah sin lih gacnam fanxa› siinik axcelon» iyye.

Miika 4:2

Baadal tan ummat too saaku intu waytaamah: «Qibaadâ-Qari elle yan YALLIH Qale fan nee beya» tittak axcelon. «Israayil ummat doore Dageltih Qari elle yan arac nawaqu wayna. YALLI tokkel isih faxem nee barsele. Usuk faxe gitat gexenno» 'yaanam axcelon. YALLIH baritto elle tanim, Yarusalaam magaalaay; Siyon qalek isi ummat lih yaaba.

Yoosuwa 24:17

Nee kee ni abbobti Masrih addal edde sugne naqoosinnak nee teyyeeqem, YALLAY ni Dagelta kinni. Usuk abba hee ablewaynu ninni intih nuble. Elle genxe rasul sahdak adda gacneh elle genxaamal nee dacrissem kaa.

Yoosuwa 24:19

Yoosuwa keenil gacseemih, «Toh meqeh immay, YALLA taqbudeenim gibdi. YALLI *kudduusuk yan Yallaay; Yalla akke sinnim Yalla axcuk kaat missoosaanam maqansiisa. Kaa cinna hayteenih dambit asa mara takkoonu waan waqdi, usuk toh siinit macaba.

Yoosuwa 23:9

YALLI isin bisoh gutuqak elle gexxaanamal, kaxxam nabaah qande le doolatwa baaxok yeyyeeqe. Num siinit makoysitinna.