Yoosuwa 23:1 - NABUWWA KEE MALIKWA

¹ YALLI Israayil mara naqboytiitik amaan abek lakal, mango wakti tatreeh; Yoosuwa kaxxam idoolite.

Yoosuwa 23:1 Referans Kwoze

Yoosuwa 13:1

Yoosuwa kaxxam idooliteh yan saaku YALLI kaak iyyeemih, «Atu a saaku idoolitteh tani'mmay, ahak sarra uxih mango baaxoy tabbixoonu waytaanahiyya raqteh tan.

Yoosuwa 21:44

YALLI too baaxol, duma ken kaxxa abbobtik elle iyye innal, yakkeenimiik amaanah ken xiinise. Keenik naqboytiitih yen marah qeebih aabbuk manannon. Woh akah takku duddem, YALLI Israayil marak qaduwwi ayse waa'gidih, ken catak mayso keenih acayuk yen.

Yoosuwa 11:23

Tonnal YALLI Muusa akah amrise innal, Yoosuwa woo baaxo yibbixeh. Yoosuwa woo baaxo Israayil marah ikoytah yeceeh; kulli kedohuuy exxa-exxah keenih kure. Kulli kedoh ken gufa ken xexxar keenih yecee. Too ayrok wadir ummatta carbik toffoofeh raqte.

Yoosuwa 22:4

YALLAY sin Dagelta kinnihiyya kaadu isih cule xagana siinih duudusseeh; Israayil maray sin toobokoh yanihiyyah amaan yecee. Duma YALLIH naqasuh yen Muusa, Ordon weeqaytuk ayrô-mawqa le kabut raqta baaxoy qeebit nibbixehiyya siinih yeceeh yen. Tahaysa too baaxol tan sin dabqa fanah uduura.

Yasaqya 63:14

Saq qayso le ikke elle beyan innal, YALLIH *Roocaaniyya isi mara elle yaffoofen ikke beyte. Tonnal, YALLAW, isi marak foocat gacca 'teh beyak isi migaaqat nabna hayte.

1 Samuwel 12:2

Malik taway geyteeniih, sin miraacisa'gidih gabat sin le. Yoh tu gactek idooliteh amô qidi baaheh ani'mmay, yi xaylo sin lih tan. Furrayniinooy aham fan miraacah siinik suge.

1 Malikwa 1:1

Malik Dawud kaxxam bar yembeeh idoolinni kaat yemeete saaku, xagar kaak waacitak yeneeh, sara kaal haanamah kaah xiqtam luk mananna.

1 Aydaad 23:25

Dawud iyyeemih, «YALLAY Israayil doore Dagelta kinnihiyya isi marah amaan yaceeh yaniih; YALLI Yarusalaamal isi marih addal isih ken lih anele.

1 Aydaad 27:1

Israayilih yooboke maray malikih taamitak yenehiyya yen. Osonuuy kedo kee gulub-gulubuk abbobti kee, alfi-alfi kee bool-boolul kurrunte qaskarak abbobtih yen mara kee, xintoh-abbobtih yenen. Ken taama macaay inteenik, qaskariino wagitta qaada abbootan luk yenen. Sanatal kulli alsa sissin exxay loowoh labaatanna kee affara alfih qaskariita takkehiyya taamitak ten.

2 Aydaad 14:1

Malik Abiyya rabe saaku, Dawud-Magaala deqsita caafatal kaa yoogoqen. Kay baxi kay lakal malik yekkeeh; migaaqah Aasa deqsitak yen. Malik Aasa malikih suge tabna sanatih addat kay baaxo amaanah xiinak sugte.

2 Aydaad 14:5

Yuudâ-magaaloolik kaak duma sugte diini-maleela qibaada-elle-aban-aroocay fayyat raqtahiyya kee qaydarus elle qeerisak sugen arooca bayisak sugeeh; tohuk gexxaamah usuk malikih suge saaku kay baaxo amaanah sugte.

2 Aydaad 20:30

Tohuk gexxaamah Yacoosafat isi baaxol amaanah ackumuk yeneeh; Yalli kulli kabuk kay baaxo amaan abe.