Yoosuwa 21:45 - NABUWWA KEE MALIKWA

⁴⁵ YALLI Israayil marah abeyyo axcuk xagana akah culeemik tu keenil mamakinnay, inkih keenih duuduse.

Yoosuwa 21:45 Referans Kwoze

1 Malikwa 8:56

Sarrak kaadu qagseh, «YALLI isi naqasuh yan Muusal oobise meqe qahdi inkih duuduseh. YALLAY, akah inxicca 'ye innah, isi ummattah wagari kee amaan yeceehiyya fayla taafay.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.

1 Samuwel 3:19

Samuwel ambuk elle yambeemil YALLI kaa'lih yeneeh, Samuwel, ‹Akkele› akak iyyem inkih akkuk maacisse.

1 Malikwa 8:15

Tohuk lakal iyyeemihii, «YALLAY Israayil doore Dagelta kinnihiyya fayla taafay. YALLI isi gabat y'abba abe xagna duuduse» iyye. Kaadu qagseh, iyyemii, «YALLI duma y'abbak,

1 Malikwa 8:20

«Ta saaku, YALLI iyyeemik cabem maliiy duuduseh. YALLI elle iyye'nnal, Dawud aracal Israayil ummatih malik ekkeh an. YALLAY Israayil doore Dagelta kinnihiyya elle yaqbuden qari xiseh an.

1 Malikwa 8:24

Yi abba Dawuduy ku naqasuh yeneh culte xagana duudusseh. Duma edde yabba intem inkih, tiya tiyah duudusseh.

Nacmiya 9:8

Abraahim ku garil digga le num kinnim tubleh; xagana kaa'lih haysitte. Kaak rade marah baaxo ikoytah aceettoomih xagana kaah culte. Too baaxo, Kanqaan kee Ciitaay Amoora deqsita maraay Feriida kee Yabuusaay Girgaasah yooboke marih baaxo. Inteemil digga le Dagelta kinnitooh, xagana akah cultem abteh.