Yoosuwa 21:11 - NABUWWA KEE MALIKWA

¹¹ Naharak Kiryat-Arbaq deqsitta magaala keenih yeceen. A magaala elle muggaaqiseenim, Arbaq akak iyyan numuy Qanak deqsitta kedo akak raddehiyya. Woo magaala a saaku Cebron deqsitta. Cebron magaala elle tanim, qaleela mango Yuudâ rasuuy; tet lih lacti malaalah baaxoy dariifal tanihiyya kaadu keenih yeceen.

Yoosuwa 21:11 Referans Kwoze

1 Aydaad 6:55

Yuudâ-rasul geytimta Cebron magaala kee tet dariifal tan lacti malaalah baaxo keenih yeceen.

2 Samuwel 15:7

Absalaam affara sanatih gide wonnah abak sugeek lakal, malikik annah iyye. «Anu Suuriyal Gasur deqsitta magaalal en saaku YALLAK, «YALLAW, Yarusalaam yoo gacissek, Cebron-magaalal koo aqbudeyyo 'yaanamal YALLAH nadri culeh en. Tonna leemik YALLAH cule nadri aba'gidih gexam faxak, yoo rub» kaak iyye.

Makaabon 1:10

Sarrak kaadu Kanqaan maray Cebron magaalal sugehiyyah gaaden. Cebron magaala too saaku Kiryat-Arbaq deqsitak ten. Tokkel Sesay kee Aciiman kee Talmayi deqsita sidiica gulubuh anuk yeneeniih; Yuudâ-mari qeebil keenik yeyseh.

Yoosuwa 15:54

Cumta kee Cebron kee Xiqor deqsitta magaalooli kenim akkuk ten. Tittat sagaal akkuk ten. Tohuk kalah woo magaaloolih dariifal tan gaandoodi kaadu kenim tekke.

Yoosuwa 14:15

A magaala Kaalib carbit raaqissa haamak dumal, migaaqah Arbaq magaala teetik axcuk yenen. Arbaq deqsitak yen num Qanaakim deqsita marak kaxxa numuk ten. Tohuk lakal ummatta carbik toffoofeh raqte.

Yoosuwa 21:12

Tonna'mmay woo magaala deraafil ten baqurê-baaxo kee tet dariifal ten gaandoodi Yafunnê baxa Kaalibih naharal elle yeceenih sugen.