Yoosuwa 2:11 - NABUWWA KEE MALIKWA

¹¹ Woh noobbe waqdi meysih afqado nel dub inte. YALLAY sin Dagelta kinnihiyya qaran kee baaxo inkih xiinisam aaxigeh.

Yoosuwa 2:11 Referans Kwoze

Yoosuwa 5:1

Tikki 'ya Amoorah yooboke maray Ordonuk ayrô-culma le kabut raaqahiyya kee, Kanqaan amoytittey Maditraaniyah badih dariifal tanihiyya takkeemiik YALLI Ordon weeqaytu Israayil mari akak tabam fanah kafsem yoobben. Tohuk gexxaamah kaxxa meysi ken tibbixeeh, niya keenik radde.

Yasaqya 13:7

Too ayro kulli numih gaba axaxiteleeh, kulli numuk niya addigillele.

Yoosuwa 7:5

Qaay mari magaalah afak keenit aben ardat boodooda elle tan arac fan ken baaheeniih; qaleek ayradduk ken elle oobisen ikkel, soddom kee lica num keenik qiden. Sarrak Israayil marak niya raddeeh, meysi ken tibbixe.

1 Malikwa 8:60

Tonnal, addunyâ-bagul yan mari inkih, Yalli dibuk kaa kinniih; kaak sa gersi Yalli ane waam aaxigelon.

Naacum 2:10

Nanawe buubeenih! Is baateh, abuuruh raqte! Sinaamak afqado meysih dub inta. Guluuba keenik axaxxah, sinam qande cabteh. Fooci keenik gombod ceela.

Yoosuwa 14:8

Yo'lih gexe mari sinam akak meysitta xaagu gabat baahen. Yoh tu gactek, YALLAY yi Dagelta kinnihiyyah yaabal digga exceeh baguuk kibaal kaal hee.

2 Malikwa 5:15

Too waqdi isi mara is lih hayya heeh Eliisaq fan gexeeh kaak iyyemii, «Tawayaay Israayil ummat taqbude Yallak sah Yalli mayanam eexegeh. Tonna'mmay Yallih numow, a mattaco yok oggol» iyye.

Yasaqya 19:1

Masri giddinaamak ruuben farmo ah teeti. YALLI qamburreh addat sissikuk Masri fan yamaate. Masri addal yalla 'yeenih aqbuduk sugen coox kee xeetik bicsen duyyeeya kay foocal axaxitele. Masri marak niya addigillele.

Yacedkel 21:15

Yi ummatat cunxo qidu waa seefi. Cankaxi innah bixiq iyya seefiy sahdah qidimih bical yanihiyyah gabat, a magaalat qawwalayla ruubam faxa.

Yoosuwa 2:24

Sarrak iyyeenimih, «YALLI a baaxo inkih neh yeceem digga le. Macaay intek, wokkel enna 'ya mari inkih meysih bux nek haak raaqe» iyyen.

Yoosuwa 9:24

Oson too waqdi iyyeenimii, «Tah innem kinni. Tah akah innem, YALLAY sin Dagelta kinnihiyya isin bisoh gutuqak elle tamaateenimil, a inkih tan baaxo siinih yeceeh; tet addal yan mara qiddaana'gidih, isi naqasuh yen Muusa amrisem noobbeeh; toh numma kinnim neexegeh. Tohuh siinik meysinneh sugneemih sabbatah inne. Ninni roocih meysitak sugne.

Nacmiya 6:16

Nek naqboytiitih yan mara kee nek dariifal dabaaqah yan mari, a taama Yalla kinni ni Dageltih cato edde tengeleemih sabbatah gaba kaltem yeexegen waqdi, meysiteenih wacarriy ken yibbixe.

Aster 8:17

Kulli rakaakay kee kulli magaalah addal suggu 'ye Yahuud-mari, baahen-waraakitil-tanim keenih yikriyen waqdi, farcatah kaxxa xigla aben. Ummatta mangih Yahuuduk meysitteemih sabbatah, akah aabuke ween Yahuud yekken.