Yoosuwa 18:12 - NABUWWA KEE MALIKWA

¹² Kilbat le kabuk baaxok cuduud akak ugutam, Ordonuk teneeh; tokkeek kilbat le kabuk Yerikô-magaalak bacakkuh ayrô-culma le kabut tan baaxoy qaleela mangohiyyak gacca 'yah, Beet-Awen deqsitta magaalak xaquk tan bacarih tan baaxoh amma 'yaanam tikka 'ya rasi inkih kenim yekke.

Yoosuwa 18:12 Referans Kwoze

Yoosuwa 16:1

Yuusufuk rade marah yeceen baaxok gabbi-qaxal yan cuduud Yeriko deqsitta magaalay Ordon weeqaytut xayuk raqtahiyyak qimbisa. Yerikô magaalak buyyitte elle tene'kkeek bacarih tan baaxol gacca 'yeh qaleela mango aracak Beetal deqsitta magaalah amma 'yaanam fan gufak yen.

Yoosuwa 7:2

Yoosuwa, Yerikô-magaalak tu yakke mara Qaay deqsitta magaala fan ruube. Qaay, Beetal deqsita aracak ayrô-mawqa le kabut raqta magaalaay; Beet-Awen deqsita aracak garil tan magaalak ten. Keenik iyyeemih, «Gexay Qaay magaala wagitaay baaxo elle tani'nna gibitay ama» keenik iyye. Gexeenih yuduuren waqdi,

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 5:8

Hosiqa kaadu qagseh iyyeemih, «Gibqal baanta ugura! Raamal turumba kaayisa! Beet-Awen deqsita aracal qeebih tirtirisa! Benyam maraw, qeebih ittikiya!

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Yoosuwa 6:1

Yerikô-magaalak afa Israayil mari culaamak alifit teneeh; num akak yawqeeh culam duudak mananna.

Yoosuwa 3:16

weeqayti lee caxitak maraaqinnaay, Xartan deqsita aracak darrel ten Adam deqsitta magaalal gaabowte. Rabe Bad deqsita bad fan caxitak sugte lee inkitanuuk tiggiriqeh. Too waqdi sinam inkih woo lee sinni kafin baaxol gexxeeh; seekay Qahdi-Sandug quukah tabbixehiyya, Ordon weeqaytuk gudey kafinuk raqtehiyyal, ummatta inkih taturra intam fan soolak sugte. Sinam inkih Yeriko deqsitta magaalah gariik Ordonuk tabte.

Yoosuwa 2:1

Tohuk lakal Yoosuwa, Tikible-Golo deqsita aracak namma num gibah ruube. Farrintoh too namma numuk iyyemii, «Kanqaan baaxok axcihiiy Yeriko deqsitta magaala sasot rebsimak gexay gibitay gaca» iyye. Too namma num gexxeeh; woo magaala gufen waqdi, Racab deqsitta xiiqareh xiinah buxa gexeeniih; wokkel elle xiinen.

Yoosuwa 8:15

Yoosuwa kee kay mara wadir wadirih kudak woo bacarih tan baaxo fan yaawweenim ceelen.

Yoosuwa 18:11

Yalli saami caxxal naharak yeyyeeqe baaxo akah tontocowwem, Benyam kedoh yooboke mara. Too mara gufte baaxo Yuuda kee Yuusufuk rade marih baaxok fanal ten.

1 Samuwel 13:5

Filistiin mari Israayil marat qeebi aba'gidih gaaboowe. Qeebi edde aban gaariirak soddom alfi takkem luk yenen. Laca alfi takke labhay faaris amok qeebi abta luk yenen. Kalah ten qaskar keenik mangah qadad luk manannaay mangah qiddeyti axxul luk yenen. Too macaxi Mikmas deqsita aracay Beet-Awen deqsitta'kkek ayrô-mawqa le kabut raqtal yinfiddigen.