Yoosuwa 17:18 - NABUWWA KEE MALIKWA

¹⁸ Qaleela mango baaxo siinih antacawwimele. Garboh tani'mmay caxa akak irgiqqaay booxah cabba haay a exxaay woo exxa akak isinnih haysita. Wokkel yan Kanqaan mari carbi gaariiray birtak abeenihiyya loonuuh celeemah yaniinih immay, qeebit ken ayyaaqetton» keenik iyye.

Yoosuwa 17:18 Referans Kwoze

Yoosuwa 15:9

Tokkek xabba haanam cuduud keenik Neftowa deqsita buyyik bisoh gexak Qefron qaleh xaqul tan magaaloolih amma 'yaanam fan gufe. Tokkeek Baqala deqsitta magaalay a saaku Kiryat-Yaqaarim deqsittahiyya fan makka 'yaah;

Yoosuwa 20:7

Toh yoobbe waqdi, Israayil mari lica magaala dooren. A leceeyik sidoc Ordon weeqaytuk ayrô-culma le kabut raaqak yeneeh; aki sidoc ayrô-mawqa le kabut raaqak yen. Ayrô-culma le kabut dooreenim, Naftaali deqsitta kedoh qaleela le baaxok Galiil rasul ten magaalay Kedes deqsittahiyya kee, Efrayim kedoh qaleela mango aracal ten Seekem deqsitta magaala kee, Yuudâ-rasuk qaleela mango baaxol tan Kiryat-Arbaq deqsitta magaalay a saaku Cebron deqsitta. Ayrô-mawqa le kabut dooreenim, Ruuben kedo le baaxol tan Bexer deqsitta magaalay bacarih tan baaxol gudel tanihiyya kee, Gaad deqsitta kedo le baaxol tan Raamot magaalay Gilqad rasul tanihiyya kee, Manasse deqsitta kedo le baaxol tan Goolan deqsitta magaalay Basan rasul geytintahiyya.

Yoosuwa 13:6

Abbixe'kal tanin baaxot, Sayda akak iyyan marih baaxo edde tan. Tohumuu, qaleela le baaxoy Lubnaan qaleela kee Misrafot-Mayim deqsita aracal fanal geytimtahiyyak ten. Israayil mari gutuqak fooca fanah elle yamaateenimil, anu a mara baaxok ayyaaqeyyo. Tonna'mmay ta baaxoy anu keenih abbaxu waahiyya atu a waqdiik keenih ixigaay ken xexxar keenih waris.

Yoosuwa 17:17

Yoosuwa, Efrayim kee Manasseh yooboke marak garabak iyyemii, «Isin mango mara kinnitoonuuh; kaadu celeemah yan mara kinnitoonuuh away geyteenimit ossotinah baaxo geetton.

1 Samuwel 1:1

Elkaana akak iyyan num yen. Woo num Efrayim kedoh aabakuk yeneeh; dabqah Efrayim rasuk qaleela mango aracal geytinta magaalay Raama deqsittahiyyal yen. Abba kaak Yaroocam deqsitak yen. Yaroocam abba Aliihu deqsita numuk ten. Elkaana Aliihuk baxi baxak ten. Efrayim kedok Xuuf deqsita gulubuk Toocu deqsita buxah marat raaqak yen.

2 Samuwel 18:6

Tohuk lakal Dawud-qaskar Israayil-marih qeebih, qeebi-booxa fan gexxeeh; Efrayim deqsitta garbol qeebi keenit aben.