Yoosuwa 17:16 - NABUWWA KEE MALIKWA

¹⁶ Too waqdi Yuusufuk radde Efrayim kee Manasseh yooboke mari Yoosuwak iyyeemih, «Qaleela le baaxo nek qunxaah; takkay immay Kanqaan maray booxaaxah tan baaxol yanihiyya birtak bicsen gaariiray carbi edde abaanahiyya lon. Too mari elle yanim, Beet-San deqsitta magaala kee tet dariifal tan gaandoodi kee tonnah Yidraqel-Daqar deqsita aracak ten» kaak iyyen.

Yoosuwa 17:16 Referans Kwoze

1 Malikwa 4:12

Aciilúd-Baqna kaadu Taqnak kee Magiddo deqsitta magaalooli kee Beet-Saqan garil enna 'ta baaxok abbah yen. Beet-Saqan deqsitta baaxo, Yidraqel magaalak xayi tan Xartan deqsitta magaalak xabba haanamaay Aabil-Macoola magaala kee Yokmaqam magaalah amma 'yaanam tan baaxo.

Makaabon 4:3

Yaabin sagla-boolih gaariy biriitak bicseenihiyya luk yeneeh; Israayil mara labaatanni sanat racmatta sinni uma xintot abbaxuk yen. Sarrak Israayil-mari YALLAL weeqak catoh kaa kallacen.

Makaabon 1:19

YALLI Yuudah yooboke mara cateeh; qaleela mango baaxol yen mara wokkek xiiriyeenih, ken baaxol gacen. Takkay immay baddi dariifal yen mari biriitak bicsen gaariira luk yeneeniih; tohih sabbatah Yuudâ mari keenik iissa 'yeh baaxok ken yayyaaqem maduudinnon.

Makaabon 6:33

Tohuk lakal Miidiyan kee Qamaalek kee ayrô-mawqa le kabu ten baaxol eneyya 'ya mari inkih tittal gaabowwa 'yeh, Ordon weeqaytuk gacca 'yeenih Yidraqel-Daqaral yinfiddigen.

Yoosuwa 17:18

Qaleela mango baaxo siinih antacawwimele. Garboh tani'mmay caxa akak irgiqqaay booxah cabba haay a exxaay woo exxa akak isinnih haysita. Wokkel yan Kanqaan mari carbi gaariiray birtak abeenihiyya loonuuh celeemah yaniinih immay, qeebit ken ayyaaqetton» keenik iyye.

2 Malikwa 9:37

Tet xagarak raqtem kukkurruh dacah innah baxacah kulli ikkel caxitele. Tonna-leemik tet xagar kinnim num yaaxagu maduuda› iyyeh yeneeh; tohim tekkeh» iyye.

2 Malikwa 9:10

Idebal matamoogoqa. Tet xagar Yidraqel rasul kuutâ-gadda akkele› 'yaanam kok iyye» kaak inxicca 'yek lakal, furraynuh yen nabi arduk gexe.

1 Malikwa 21:23

«Idebal tiyah tu gactekiiy, YALLI kaadu iyyaamah, ‹Yidraqel magaalah addal raysa teetik kuuta akmele.

1 Malikwa 21:1

Yidraqel magaalah addal, Malik-Acab buxah garil, qinab-coox elle yaysubuken arac le numuy migaaqah Nabot deqsitahiyya yen.

1 Malikwa 18:46

YALLIH qande Eliyyasal gacte. Too waqdi Eliyyas saro isik axcal kariqqa heeh, Acab-gaarik-foocat Yidraqel magaala fan yerde.

Makaabon 4:13

isi sagla boolih gaariy biriitak bicseeniy faariisat giitak beyaana kee isi marah inkih seece. Carooset-Goyim deqsita aracaak Kisyon-weeqaytu fan ken bee.

Yoosuwa 19:18

Keenih yeceen magaalooli ah teeti: Yidraqel kee Kasullot kee Suunem kee

Yoosuwa 17:11

Issakar kee Aaser geen baaxol, Manasseh yeceen magaalooli ah teeti. Beet-San kee Yiblaqam kee, Door deqsitta magaalay baddi afal tanihiyya kee, Qendor kee Taqnak kee Magiddo kee ken dariifal enna 'ta gaandoodi inkih kenim tekke.

Yoosuwa 17:15

Yoosuwa keenil gacseemih, «Kaxxam temeggeeniih Efrayim rasuk qaleela mango exxa siinik daggowtek, wonnal Feriidah yooboke mara kee Rafaayim akak iyyan marih baaxoy garboh tanihiyya gexaay too garbo irgiqqa haay booxa abba haay elle gaca» keenik iyye.

Yoosuwa 17:17

Yoosuwa, Efrayim kee Manasseh yooboke marak garabak iyyemii, «Isin mango mara kinnitoonuuh; kaadu celeemah yan mara kinnitoonuuh away geyteenimit ossotinah baaxo geetton.

1 Malikwa 18:45

Dago waktih addat data qamburre qaran bulteeh, kaxxa caacay yemeeteeh. too waqdi kaxxa rob rade. Acab isi gaarih amot gacca 'yeh Yidraqel fan yuduure.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.

Yoosuwa 15:56

Yidraqel kee Yokdaqam kee Danowac kee

1 Samuwel 29:1

Filistiin-mari qaskarak elli haanam Afeek deqsita aracal gaaboysen. Israayil-mari kaadu, Yidraqel-Daqar deqsita aracal yan buyyil yinfiddigen.