Yoosuwa 17:11 - NABUWWA KEE MALIKWA

¹¹ Issakar kee Aaser geen baaxol, Manasseh yeceen magaalooli ah teeti. Beet-San kee Yiblaqam kee, Door deqsitta magaalay baddi afal tanihiyya kee, Qendor kee Taqnak kee Magiddo kee ken dariifal enna 'ta gaandoodi inkih kenim tekke.

Yoosuwa 17:11 Referans Kwoze

1 Aydaad 7:29

Manassek rade mari, Beet-Saqan kee Magiddo kee Taqnak kee Door kee too magaaloolih dariifal sugte gaandoodil gacen. Israayil-baxi Yuusufuk rade mari elle gacem too baaxo.

2 Malikwa 9:27

Yuudâ-malikih yen Acadya tekkem yuble waqdi, Beet-Cagan magaala fan isi gaarit kude. Yaahu lakak kaa yeyredde. Too waqdi isi marak iyyemii, «Kaa kaadu macabinay qida» iyye. Sarrak Acadya, Yiblaqam garit yan Guur-magaala fan yawqe gita gaarih amot kudak suge waqdi, Yaahû-mari kaa mudeh. Takkay immay gaarih amot gacca 'yeh Magiddô-magaala aleelite. Tokke gufe waqdi rabe.

Makaabon 5:19

Taqnak deqsita aracal Magiddo deqsita illaltih garil malikwa temeeteh qeebi abte. Kanqaan baaxoh malikwa qeebi abte. Takkay immay oson lakqo mabennon.

Makaabon 1:27

Manasseh yooboke mari, Beet-Saqan kee Taqnak kee Door kee Yiblaqam kee Magiddo kee wohih dariifal tan gaandoodil suggu 'ye mara mayyaaqinnon. Kanqaan mari tokkel elle raaqe.

Yoosuwa 12:23

Door deqsitta magaalay baddi-afal tanil yen malikiiy, Galiil baaxol tan magaalay Goyim deqsittahiyyal yen malik kee,

1 Malikwa 9:15

Malik Suleeman YALLIH Qibaadah-Qari kee isi qariiy, kalah kaadu, magaalat maroh heen gaso kee, tonnah kaadu, magaalak ayrô-mawqa le kabut raqta baaxoy ramma luk sugtehiyya edde missoysem, dirkih tamsiisa marih gabak ten. Tohuk kalah, Caxor kee Magiddo kee Geser deqsitta magaalooli kaadu keenit bicsiise.

1 Samuwel 31:10

Sarrak Saawul silac Qastarot deqsittaamay Yallih aftok yaqbudeenihiyyah qibaada elle abaana'gidih xisen qarik addal heen. Raysa kaak Beet-San deqsitta magaalat maroh tan gasok bagut xakbisen.

1 Samuwel 28:7

Sarrak Saawul kay gubal yan marak, «Kalluwalle elle tani ikke yoh gorrisa; teetil gexeh fayu tet esseram faxak» iyye. Too mari, «Inki barra Endor deqsita aracal tan» kaak iyyen.

Yoosuwa 11:2

tonnah kaadu, kilbat le kabuk woo qaleelah tan baaxol malikwah yen mara kee, Galiil deqsita badak gabbi qaxak Ordon weeqaytih qaxat raqta baaxoh malikwa kee, mango koomaami le baaxo kee Door deqsitta magaalah xaqul tan baaxoy baddi afal tanihiyyah malikwah inkih farmo ruube.

Zakariyya 12:11

Too ayro Yarusalaam mari, Hadad-Rimmon deqsittaamah Magiddo deqsitta booxal rookah ummat akah gacte innah, gacelon.

2 Aydaad 35:22

Takkay immay Yoosiyaahu qeebi kaat abaamal malseeh; tonna-leemiik Yallih yaabay Nako kaah warsahiyya cinna heeh qeebi gexoh ugte. Sarrak Magiddo deqsitta booxa fanah, kaa yaaxigeenimik aki num cella heeh, carbih gexe.

1 Aydaad 6:70

Manassek ayrô-culma le kabuk tan baaxok namma magaala keenih yeceen. Tohuu, Qanar kee Bilqam deqsitta namma magaala kee woo namma magaalah dariifal tan lacti malaalah baaxo keenih yeceen.

1 Samuwel 31:12

keenik addak agiirah yan mari inkih yan bar Beet-San gufaana'gidih gexak xiinen. Wokke gufen waqdi, Saawul kee Saawul xayloh raysa gidaar baguk oobiseenih, Yaabes-magaala fan beeniih, tokkel carrisen.

Yoosuwa 12:21

Taqnak deqsitta magaalal yen malikiiy Magiddo deqsitta magaalal yen malikiiy

Yoosuwa 17:10

Efrayim kee Manasseh yeceen baaxok ayrô-culma le kabul, Maditraaniyah bad cuduuduh keenik raaqa. Efrayim geen baaxo gabbi-qaxa raqtaah; Manasse geen baaxo kilbat le kabu raqta. Manassek kilbat le kabul cuduud keenik Aaser deqsitta kedo le baaxo gufak yeneeh; ayrô-mawqa le kabul Issakar deqsitta kedo le baaxot aadayuk yen.

Yoosuwa 17:16

Too waqdi Yuusufuk radde Efrayim kee Manasseh yooboke mari Yoosuwak iyyeemih, «Qaleela le baaxo nek qunxaah; takkay immay Kanqaan maray booxaaxah tan baaxol yanihiyya birtak bicsen gaariiray carbi edde abaanahiyya lon. Too mari elle yanim, Beet-San deqsitta magaala kee tet dariifal tan gaandoodi kee tonnah Yidraqel-Daqar deqsita aracak ten» kaak iyyen.

2 Samuwel 21:12

Gilqad rasul tan Yaabes-magaalal yan mara fan gexxa 'yeh, Saawul kee Saawul baxa Yonaatan lafa baaheh. Gilqad mari Saawul kee baxi lafa akak baaheenim, Filistiin-mari Gilbowaq-qaleh amol ken qide saaku, elle ken takareh suge Beet-San deqsitta magaalak gudek teneeh; tokkek garqeenih baahen. Filistiin-mari Saawul kee kay baxa Yonaatan qidda heenik lakal, lafa keenik too magaalal takreenih yenen.

Ermiyaas 49:2

Qammon rasuk inaytâ-magaalay Rabba deqsittal yakku waa qeebik xongolo edde oobba haan wakti amaatele. Too magaala abuuruh raaqele. Tet dariifal tan gaandoodi carriselon. Israayil mari isinni baaxoy keenik beeni gacsitelon.