Yoosuwa 16:10 - NABUWWA KEE MALIKWA

¹⁰ Efrayimih yooboke mari Kanqaan deqsita maray Geser deqsitta magaalal sugehiyya wokkek mayyaaqinnoonuy, yanoonay ken iyyen. Takkay immay isinni naqoosah ken haysitteeniih; ta saaku fanah too naqoosah yanin.

Yoosuwa 16:10 Referans Kwoze

Makaabon 1:29

Efrayim mari kaadu Kanqaan maray Geser deqsitta magaalal sugehiyya mayyaaqinnoonuy, elle yanoonay ken iyyeeniih; too mari too magaalal elle ken lih raaqe.

1 Malikwa 9:16

Dumah yan saaku Masri-malik Geser-magaala qeebit yibbixeh sugeeh, teetil suge mara selli heeh gira teetit ruube. Sarrak woo baaxo Malik Suleeman kay baxá abite saaku ikoytah teetih yecee.

Yoosuwa 17:13

Israayil mari sarrah qande baahak baaheeniih; tohuh ken mayyaaqinnoonuy, isinni naqoosa ken aben.

Yoosuwa 15:63

Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Yoosuwa 10:33

Geser malikiy migaaqah Hooram deqsitak yenehiyya Laakis magaalah marih catoh yemeete. Takkay immay kaa kee kay qaskarak kaadu qeebih yeyseenih, num keenik nuwwuk macabinnoonuy inkih ken qiden.

Yoosuwa 17:12

Takkay immay Manasseh yooboke mari too magaaloolil suge mara wokkek yayyaaqoonu yeffereenih. Tohum Kanqaan marak ten. Too mari too magaaloolil elle raaqen.

1 Malikwa 9:15

Malik Suleeman YALLIH Qibaadah-Qari kee isi qariiy, kalah kaadu, magaalat maroh heen gaso kee, tonnah kaadu, magaalak ayrô-mawqa le kabut raqta baaxoy ramma luk sugtehiyya edde missoysem, dirkih tamsiisa marih gabak ten. Tohuk kalah, Caxor kee Magiddo kee Geser deqsitta magaalooli kaadu keenit bicsiise.