Yoosuwa 15:17 - NABUWWA KEE MALIKWA

¹⁷ Toh yoobbe waqdi Kaalib-toobokoytih-baxay migaaqah Qotniyel deqsitahiyya woo magaala yibbixe. Too waqdi Kaalib isi baxá Qaksa digibih kaah yecee.

Yoosuwa 15:17 Referans Kwoze

Makaabon 3:9

Sarrak Israayil mari weeqah YALLAL hayya heen. YALLI too waqdi ta malikih gabak currih ken yayyaaqu waa num keenih ruube. Tohumuu, Qotniyel deqsita numuk ten. Qotniyel Kanad baxak ten. Kanad, Kaalibik qunxa toobokoytak ten.

Makaabon 1:13

Toh yoobbe waqdi Kaalib-toobokoytih-baxay migaaqah Qotniyel deqsitahiyya woo magaala yibbixe. Too waqdi Kaalib isi baxá Qaksa digibih kaah yecee.

Makaabon 3:11

Tohuk lakal morootom sanatih gide woo baaxol amaan gace. Sarrak Qotniyelil Yallih amri yemeete.

Yoosuwa 14:6

Israayil mari Gilgal deqsita aracal yan waqdi, Yuudah tooboke labha Yoosuwal temeete. Too marak numuk teeni Yafunnê-Kaalib deqsita numuy Keniida deqsita gulubuh yaabukehiyyak ten. Too num kaak iyyemii, «Koo kee yi giddinaamak Kaades-Barniqa deqsita aracal nan saaku, YALLIH numuh yen Muusak iyyem taaxigeh.

1 Aydaad 2:49

Sarra kaadu Saqaf kee Sawa xalte. Saqaf Madmanna xale. Sawa Makbeena kee Gibqa xale. Kaalib kaadu Qaksa deqsitta baxá luk yen.

Yoosuwa 15:16

Kaalib iyyemii, «Kiryat-Sefer qeebit yabbaxu waa numuh inni baxáy Qaksa deqsitta digibih aceeyyo» iyye.

1 Aydaad 4:13

Kenad, Qotniyel kee Seraaya xale. Qotniyeliiy Catat kee Maqonootay xale.

1 Aydaad 27:15

Taban kee nammayhaytoh alsat abbah heenim, Celday deqsita numuk ten. Elle yoobokem, Natoofa deqsitta magaalak teneeh; gulubuk edde raaqak yenem, Qotniyel deqsita gulubuk ten.