Yoosuwa 15:14 - NABUWWA KEE MALIKWA

¹⁴ Qanakak-rade marak Sesay kee Aciiman kee Talmayi deqsita sidooca gulub too magaalal dabaaqah suge. Kaalib too mara inkih too magaalak yeyyeeqe.

Yoosuwa 15:14 Referans Kwoze

Makaabon 1:20

Muusa ken elle amrissa hee innal, Cebron-magaala Kaalibih yeceen. Kaalib duma woo magaalah adda sugte Qanak deqsitta kedoy sidooca gulubuk raddehiyya tokkek yeyyeeqe.

Makaabon 1:10

Sarrak kaadu Kanqaan maray Cebron magaalal sugehiyyah gaaden. Cebron magaala too saaku Kiryat-Arbaq deqsitak ten. Tokkel Sesay kee Aciiman kee Talmayi deqsita sidiica gulubuh anuk yeneeniih; Yuudâ-mari qeebil keenik yeyseh.

Yoosuwa 11:21

Too saaku Yoosuwa gexxa 'yeh woo qaleelah tan baaxok Cebron kee Dabiir kee Qanab deqsitta magaalooli kee, tonnah kaadu, Yuuda kee Israayilik qaleelah tan baaxol sugga 'ye Qanaakim deqsita xeeruk yen marih nasab bayseh. Yoosuwa too mari elle yen magaalooli kee ken amoh bayse.

Yoosuwa 11:22

Israayil baaxoh bagul Qanaakim deqsita marak num maraaqinna. Dago mari keenik Gaada kee Gat kee Asdood deqsitta magaaloolil raaqe.

2 Samuwel 21:16

Too qeebit Yisbebanob deqsita numuy kaxxam masu lehiyya yen. Too num sidooca kiilo kee garab yakke macaxuy nacaasak bicseeni gabat abbaxuk sugeeh, qusba seef kaadu bagul luk sugeeh, qeebi addat Dawud qidam faxe.