Yoosuwa 15:13 - NABUWWA KEE MALIKWA

¹³ YALLI Yoosuwa elle amrise innal, Yuudâ-baaxok tu takkem Yafunnê-Kaalibih yecee. Arbaq deqsita numuy Qanak deqsita mari akak radehiyyah migaaqal xisen magaalay migaaqah Cebron akak iyyaanahiyya Kaalibih yecee.

Yoosuwa 15:13 Referans Kwoze

Yoosuwa 21:11

Naharak Kiryat-Arbaq deqsitta magaala keenih yeceen. A magaala elle muggaaqiseenim, Arbaq akak iyyan numuy Qanak deqsitta kedo akak raddehiyya. Woo magaala a saaku Cebron deqsitta. Cebron magaala elle tanim, qaleela mango Yuudâ rasuuy; tet lih lacti malaalah baaxoy dariifal tanihiyya kaadu keenih yeceen.

Makaabon 1:10

Sarrak kaadu Kanqaan maray Cebron magaalal sugehiyyah gaaden. Cebron magaala too saaku Kiryat-Arbaq deqsitak ten. Tokkel Sesay kee Aciiman kee Talmayi deqsita sidiica gulubuh anuk yeneeniih; Yuudâ-mari qeebil keenik yeyseh.

1 Samuwel 30:14

Yuudâ-baaxok gabbi-qaxat raqta baaxoy Kereet mari elle yani gaadneeh, kaadu Kaalib deqsita gulubih baaxo gaadneh, Xiklag-magaala cararisneh» iyye.

1 Aydaad 6:56

Tonna'mmay woo magaala deraafil tan baqurê-baaxo kee tet dariifal tan gaandoodi Yafunnê-baxa Kaalibih yeceen.

Yoosuwa 11:21

Too saaku Yoosuwa gexxa 'yeh woo qaleelah tan baaxok Cebron kee Dabiir kee Qanab deqsitta magaalooli kee, tonnah kaadu, Yuuda kee Israayilik qaleelah tan baaxol sugga 'ye Qanaakim deqsita xeeruk yen marih nasab bayseh. Yoosuwa too mari elle yen magaalooli kee ken amoh bayse.

Yoosuwa 20:7

Toh yoobbe waqdi, Israayil mari lica magaala dooren. A leceeyik sidoc Ordon weeqaytuk ayrô-culma le kabut raaqak yeneeh; aki sidoc ayrô-mawqa le kabut raaqak yen. Ayrô-culma le kabut dooreenim, Naftaali deqsitta kedoh qaleela le baaxok Galiil rasul ten magaalay Kedes deqsittahiyya kee, Efrayim kedoh qaleela mango aracal ten Seekem deqsitta magaala kee, Yuudâ-rasuk qaleela mango baaxol tan Kiryat-Arbaq deqsitta magaalay a saaku Cebron deqsitta. Ayrô-mawqa le kabut dooreenim, Ruuben kedo le baaxol tan Bexer deqsitta magaalay bacarih tan baaxol gudel tanihiyya kee, Gaad deqsitta kedo le baaxol tan Raamot magaalay Gilqad rasul tanihiyya kee, Manasse deqsitta kedo le baaxol tan Goolan deqsitta magaalay Basan rasul geytintahiyya.

Makaabon 1:20

Muusa ken elle amrissa hee innal, Cebron-magaala Kaalibih yeceen. Kaalib duma woo magaalah adda sugte Qanak deqsitta kedoy sidooca gulubuk raddehiyya tokkek yeyyeeqe.

2 Samuwel 2:1

Waqlak wadir Dawud YALLAK, «YALLAW, Yuudâ-rasul tan magaaloolik tiyak teena fan maay gexo?» iyye. YALLI, «Gexay daffey» kaak iyye. Dawud, «Anni magaala fan gexo?» iyye. YALLI «Cebron-magaala fan gex» kaak iyye.

2 Aydaad 11:10

Xorqa kee Ayyaalon kee Cebron deqsitta magaaloolik ten.