Yoosuwa 13:7 - NABUWWA KEE MALIKWA

⁷ Tama baaxo Israayilik sagla kedo kee Manasseh yooboke marak kedok garabay raaqehiyyah a waqdiik ixigaay ken xexxar keenih waris» kaak iyye.

Yoosuwa 13:7 Referans Kwoze

Yoosuwa 13:6

Abbixe'kal tanin baaxot, Sayda akak iyyan marih baaxo edde tan. Tohumuu, qaleela le baaxoy Lubnaan qaleela kee Misrafot-Mayim deqsita aracal fanal geytimtahiyyak ten. Israayil mari gutuqak fooca fanah elle yamaateenimil, anu a mara baaxok ayyaaqeyyo. Tonna'mmay ta baaxoy anu keenih abbaxu waahiyya atu a waqdiik keenih ixigaay ken xexxar keenih waris.

Yoosuwa 13:8

Ruuben kee Gaad kee Manasseh yooboke marak garabah, YALLIH naqasuh yen Muusa, dumal elle, baaxo kureh suge. Tohumuu, Ordon weeqaytuk ayrô-mawqa le kabut raaqa aracak ten.

Yacedkel 45:1

Baaxo sahdah kedo kedol kuran saaku, afak teena YALLAH cabaanama. Too baaxoy YALLAH cabaanahiyya xexxaarah taban kee namma kiilomitri kee garab takkeemi. Baguh tabna kiilomitri takkeemi. Too baaxo inkitanuuk saytunuk tan baaxo takkeemi.

Yoosuwa 14:2

YALLI dumaak Muusak iyyemii, «Israayilik sagla kedo kee garabah baaxo teceen waqdi, saami caxxa elle qidak keenih ucuya» 'yaanam iyyeh yen.