Yoosuwa 12:5 - NABUWWA KEE MALIKWA

⁵ Too num malikih elle yenemii, inkih yan Basan rasuy Gasur kee Maqka deqsitta baaxooxah cuduuduh amma 'yaanam takke baaxo kee Cermon qale kee Salka deqsitta baaxok ten. Tohuk kalah Gilqad rasuk garab kayimik ten. Tohumuu Sicon deqsita malikiy Cesbon magaalal yenehiyyah baaxoh cuduuduh amma 'yaanam tan baaxo.

Yoosuwa 12:5 Referans Kwoze

1 Samuwel 27:8

Too dabaanal Dawud kee kay mara Gasur kee Gixxa kee Qamaalek maray dumaak woo baaxol elle sugehiyya buubak sugen. Ta mari Sur deqsita rasuk xabba haanamaay Masrih amma 'yaanam tan baaxol, dumî dabaanal guubuh elle sugen.

Yoosuwa 13:11

Gilqad rasu kee Gasur kee Maqka kee Cermon qaleh dariifal enna 'ta baaxo kee, Basan deqsitta baaxok Salka deqsitta magaalah amma 'yaanam tan baaxo Muusa inkih keenih yecee.

2 Malikwa 25:23

Yuudâ-qaskarih-abbobti kee qaskar ta xaagu toobbe waqdi, Gedalya fan yemeeten. Gedalya too saaku dabaaqah Mixfa deqsitta magaalal suge. Too saaku Gedalya fan temeetem, Natanyá-Ismaaqil kee Kareyyác-Yohanan kee, Tancumét-Seraayay Natoofâ-magaalah yooboke kee, Yaadanya deqsita numuy Maqkâ-magaalal yoobokehiyyak ten.

2 Samuwel 23:34

Acasbúy-Elifalatay Maqkal yooboke kee, Acitoofál-Alyamay Gilô-rasul yooboke kee,

2 Samuwel 13:37

Absalaamah tu gactek, Qammihud baxa Talmayi deqsita numuy Gasur deqsitta baaxol malikih yanihiyya fan gexe. Tokkel sidiica sanatih gide suge. Malik Dawuduh tu gactek, mango wakti Amnon arkat suge.

2 Samuwel 3:3

Nammeyhaak xale baxi kaak migaaqah Kilab deqsitak yen. Too awkih ina kaadu Abiigal deqsitta barrak ten. Ta barra kaak dumal Nabal deqsita numuy Karmel deqsita aracal dabqah yenehiyya abbaxuk yen. Usuk rabe saaku gubnah elle raqte ikkel Dawud tet abite. Sidochaytô-baxi kaak migaaqah Absalaam deqsitak yen. Ta awkih ina kaadu Maqka deqsitta barrak ten. Tet abba Gasur deqsitta baaxoh malikik yeneeh; migaaqah Talmayi kaak axcuk yenen.

Yoosuwa 12:1

Muusa yen saaku, Israayil mari Ordon weeqaytuk ayrô-mawqa le kabuk Arnon Golo deqsita arac kee Cermon deqsitta qale fanat tan baaxo qeebit yibbixen. Tonnal Ordon weeqaytuk ayrô-mawqa le kabut raqta baaxo ken baaxo tekke. Too baaxol suge namma malik yibbixen.

Yoosuwa 11:3

Qagteh kaadu, Kanqaan baaxoh maray ayrô-culma kee ayrô-mawqat raaqahiyya kee, Amoorah yooboke maraay, Ciitah yooboke maraay, Feriidah yooboke maraay, Yabuusah yooboke maray woo qaleelah tan baaxol guubuh yenehiyya kee, tonnah kaadu, Ciiwih yooboke maray Cermon qaleh ragidil Mixfa deqsitta baaxol guubuh yenehiyyah edde farmo ruube.

1 Aydaad 5:11

Gaad deqsitta kedo, Basan deqsitta baaxoy Salka deqsita aracah amma 'yaanam fan elle gacen. Too baaxo Ruuben-mari elle suge rasuk garit ten.

Ermiyaas 40:8

Too waqdi Natanyáh-Ismaaqil kee, Kareyyac-xayloh nammayay migaaqah Yocanan kee Yonaatan deqsitahiyyaay, Tancumét-Seraaya kee, Natoofâ-rasul yooboke Qefay deqsita numih xaylo kee, Maqkâ-rasul yooboke Yaadanya deqsita num, wakalih isinni mara hayya heenih Gedalya fan yemeeten. Gedalya too saaku Mixfa deqsita aracal yeneeh; tokke kaal yemeeten.