Yoosuwa 11:8 - NABUWWA KEE MALIKWA

⁸ YALLI Israayil mara qeebil keenik yiysiiseh, ken gabal ken hee. Israayil mari Misrafot-Mayim kee Sayda deqsitta baaxo fan ken ayradduk been. Tohuk kalah kaadu Mixfâ Golo deqsitta baaxoy ayrô-mawqa le kabut raqtahiyyah amma 'yaanam fan xiiriyak ken been. A maray Israayilik naqboytiitih yenehiyya saabo cabba haam fanah qeebi gexak suge.

Yoosuwa 11:8 Referans Kwoze

Yoosuwa 13:6

Abbixe'kal tanin baaxot, Sayda akak iyyan marih baaxo edde tan. Tohumuu, qaleela le baaxoy Lubnaan qaleela kee Misrafot-Mayim deqsita aracal fanal geytimtahiyyak ten. Israayil mari gutuqak fooca fanah elle yamaateenimil, anu a mara baaxok ayyaaqeyyo. Tonna'mmay ta baaxoy anu keenih abbaxu waahiyya atu a waqdiik keenih ixigaay ken xexxar keenih waris.

Yoosuwa 19:28

Qabdon kee Racob kee Cammon kee Kaana deqsitta magaalooliik Sayda deqsitta magaalah amma 'yaanam takke.

Zakariyya 9:2

Cammat deqsita rasuy cuduuduh Cadrak deqsita rasut raaqahiyya kaadu digaaleyyo. Tonnah kaadu Suur kee Sayda deqsitta magaala kee teetil yan maray kaxxa kas lehiyya digaaleyyo.

Yoosuwa 21:44

YALLI too baaxol, duma ken kaxxa abbobtik elle iyye innal, yakkeenimiik amaanah ken xiinise. Keenik naqboytiitih yen marah qeebih aabbuk manannon. Woh akah takku duddem, YALLI Israayil marak qaduwwi ayse waa'gidih, ken catak mayso keenih acayuk yen.

Yoosuwa 11:3

Qagteh kaadu, Kanqaan baaxoh maray ayrô-culma kee ayrô-mawqat raaqahiyya kee, Amoorah yooboke maraay, Ciitah yooboke maraay, Feriidah yooboke maraay, Yabuusah yooboke maray woo qaleelah tan baaxol guubuh yenehiyya kee, tonnah kaadu, Ciiwih yooboke maray Cermon qaleh ragidil Mixfa deqsitta baaxol guubuh yenehiyyah edde farmo ruube.

Yoosuwa 11:7

Tohuk lakal Yoosuwa kee kay qaskar Meerom weeqaytul too mara garciik yanin waqdi, qeebi keenit aben.

Yasaqya 23:4

Saydah magaalay wacarriy! Ku bad yaabeh, iyyemii, «Lacaw kee xalay able wayteeh, xaylo aynabe wayte barra ekkeh an» iyyek!

Yoosuwa 10:20

Dago maray isinni magaaloolik gasoosa fanah wadbitehiyyak kalih mara Yoosuwa kee kay qaskar selli hayte.

2 Samuwel 24:6

Sarrak Gilqad-rasu kee Kaadis deqsitta magaalay Ciitâ-rasul tanihiyya fanah gexen. Tohuk lakal kaadu Daan-Yaqan rasu fan gexen. Tokkek Sayda deqsitta magaala fan gexen.