Yasaqya 9:9 - NABUWWA KEE MALIKWA

^9-10 Israayil ummatta kee Samaariyah magaalal yan mari, kaxxiina kee anaani xagarat hayya heeh, «Kallak bicsen xisne tiddigilleh immay wokke xeetik bicsen xisne ciggiilisenno. Sublâ-cooxuk bicsen qarwa tiddigilleh immay, wokke nabam meqe sariidak bicsen qarwa ciggiilisenno» iyyaana'mmay, oson inkih takku waytam Yallih cokmi kinnim aaxigelon.

Yasaqya 9:9 Referans Kwoze

Yasaqya 46:12

«Yab ayti akak cule waah, cakki faxe waa maraw!

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.

Malaaki 3:13

YALLI iyyeemih, «Ummatey, ceele waytam yok intan. Ceele waytam inxicca teenih wadir, ‹Kot ceele waytaamay sittak innehiyya macaay?› intan. Yok inteenim siinih warisu waa.

Yacedkel 33:33

Atu keenik inxicca 'tem, raq lem hinna, akkeleemiiy; too saaku nabi ken addat sugem aaxigelon» iyye.

Yacedkel 30:19

Masri too digaalah digaalu waa saaku, YALLA kinniyom yok aaxigelon» iyye.

Yacedkel 7:27

Malik weeqeleeh, mislik niya radele. Ummatat axaxo heele. Abba hayteenimih sin digaaleyyo. Sinaamal abak sugten cokmi siinil abeyyo. YALLA kinniyom too waqdi yok aaxigetton» iyye.

Yacedkel 7:9

Siinih maracmata. Siinih maxuwaawa. Abteenih tanin uma taamak gexxaamah, digaala raq siinik mali. Anu YALLA kinniyom kee, sin digaaltam yoo kinnim, too saaku aaxigetton, keenik inxic» yok iyye.

Ermiyaas 32:24

« ‹Baabelon-mari Yarusalaam-magaala yabbixe'gidih, tet gasoosat xakabuh coox kee xeet tittin bagul heen. Addal teetik yan mari carbi kee qulul kee dalkâ-gadda yekkeeniih, tohuk gexxaamah ellecabol Baabelon malikil gaba ecee'kal maraaqan. Tah atu inteemiiy; away akah table'nnah, atu inxicca elle inte'nnal tekkeh.

Yasaqya 48:4

Yab ayti akak cule waah, xixxaqay lee adda akak cule waytah bis litoonum aaxaguk en.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

1 Malikwa 22:25

Miikayhu kaal gacseemih, «Qarik darrê golit sasoh cultu wayta saaku, wohim aaxigetto» kaak iyye.

Yasaqya 7:2

Yuudâ-malikiy Dawuduk radehiyya Suuriyah qaskar Israayil rasih adda cultem yoobbe waqdi, kaa kee raqqa 'ye mari kaxxam cunxiteeh, caacay yasgayye caxah innah gacen.

Yasaqya 9:8

Yalli Israayil doolat kee Yaqkuubuk rade maral farmo ruubeh; cokmi keenil abele.

Yasaqya 28:1

Efrayimih yooboke maraw, kamri taaqube sakaareenow, able liton; woyyow axcetton. Amo elle miqiton magaala, qobooruk bicisen kalabtaay; elle kaxxiinittaanam teeti. Woyyow, teetit takku waytaamow! Niqmatak tan kayrih tan golok daga raqta magaala siinik birroh innah laqaymuumele. Qaxa liton bilqa litoonuh immay bayettoonum digga le.

Yasaqya 28:3

Israayilik kamri taaqabok amot lon kalabta radele. Ibitteh teetit taqqa axcelon.

Hosiqa 8:14

Israayil mari malik qarwah xiso yeexegeh immay, ken gine Dagelta hawweeneenih. Yuudâ mari, meqe magaalooli dacayrih xisen. Oson malikwah xisen qarwa kee magaalooli keenik bayissa gira keenil ruubeyyo» iyye.

Malaaki 1:4

Qiisok rade maray migaaqah Edom deqsitahiyya, «Ni magaalooli baateh immay ahak sarra tet xisenno» iyyaanam takkeh immay, YALLAY Nabaamak Nabahiyya keenik iyyaamah, «Xisaanamah wadir bututtukku keenik heeyyo. Ummat keenik intu waytaamah, ‹Edom-mari makari leela; YALLIH naqbi ken amok makata› axcelon».