Yasaqya 9:17 - NABUWWA KEE MALIKWA

¹⁷ Tonna leemiik Yalli furraynak num keenik asillimi mahannaay, ken qayxiixa kee gubuunuk numuh maxuwaawinna. Macaay inteenik, oson inkih Yalla maloonuuy, uma marah yaniiniih; oson edde yabba 'yaanam inkih umaane. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:17 Referans Kwoze

Ermiyaas 18:21

Tahaysa, YALLAW, xaylo keenik qulul gadda ab. Carbit ken sel. Agabu keenik xalay-maleela kee gubun ab. Labha keenik dalkat selli hay; furrayna carbit keenik sel» 'yaanamat emeete.

Yasaqya 10:6

Assuuriyah-mara, Yalla-maleelay yoo bagcarrissehiyya edde digaaluh ruubeyyo. Ummatta radoonuuy ken garqoonuuy, tonnah kaadu, gital sugte guddaafah innah taqqa keenit iyyoonuh ken ruubeyyo.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yasaqya 9:12

Suuriyah mari ayrô-mawqa le kabuk gaccaay *Filistiinih yooboke mari ayrô-culma le kabuk gacca 'yeh Israayil yanxuqoonuh af fakka teetit heen. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 10:4

Carbit ambaxe kee casbit yan marih innah seewah sin bee akkelon. Tohuh, Yallih naqbi maxamcaay, ken edde digaaluh ruube gaba wadir magacsa.

Yasaqya 9:21

Manasse kee Efrayim mari qeebi tittat abeenih, tonnah kaadu, titta lih gacca 'yeenih Yuudâ-marat qeebi aben. Tohuh, Yallih naqbi maxamcaay, ken edde digaaluh ruube gaba wadir magacsa.

Zakariyya 9:17

Baaxo too saaku kaxxam amqele. Baxuw kee furrayna inkih, mango daro kee qusbih bicsen qinab kamrik adoobitak ariiqo baahelon.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Yacedkel 20:33

Waara YALLAY Mulki lehiyya kinniyooh inni migaaqal xiibita'mmay, abeh an bagcarrah gaba digga siinil heeyyom sin aysixxige. Yi milkih gacetton.

Ermiyaas 5:1

YALLI iyyeemih: «Ugutay! Yarusalaam magaalak adda wagga haay! Dariifa kaadu isinnik wagga haay! Qadaaga elle takke arooca kaadu cubbusay! Inki numuy yeemeneenih cakkih tanim abahiyya Yarusalaam addal mageytima. Geytimma 'yek, Yarusalaam marah qafu abeyyo.

Yasaqya 65:19

Yarsalaam akcine liyo; inni marat ruffa axceyyo. Tahaysa weeqi mayakka; tet addal booge matakka; matantabbaay num mayabba.

Yasaqya 62:5

Furrayni baxuwwa isim elle aba'nnal, Yallay koo xise koo isim abele. Qarus qibnah yassalleh gide, ku Dagelti koh assaallele.

Yasaqya 13:18

Ta mari gayse kee gaysê-baxat furrayna qidele. Salaadah maracmataanaay qunxa urruh maxuwaawan.

Yasaqya 10:2

Tu maleelah le cakki mataaxigan. Ken cakki ken geyi mahaytan. Xukko elle tan marah cakki mabtan. Gubun kee qayxiixah im gita maliinot beytan.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 3:8

Hay tonnal Yarusalaam baatih lagaq intaah, Yuudâ-rasi finqah gexam faxa. Abba haanam kee inxicca 'yaanam inkih, Yallal saduh taniimi. YALLA qaduk xaafan.

Yasaqya 14:20

Macaay intek, atu isi baaxo foyya abteeh; isi mara qide num kinnito. Tonna leemiik gersi malikwa elle yoogoqen innal matamoogoqa. Ku buxah mari inkih umaane leela kinnoonuuh; ken migooqa kassite way!

Yasaqya 24:5

Baaxo nadaasa abtem sinaama. Macaay inteenik, Yalla cinaanaah, usuk aba iyyem abe waanaah, Yallih Qahdiy daayiman waarahiyya makan.

Yasaqya 31:2

YALLI kas leeh; bala oobissem kaa. Usuk iyyem aba. Tonna-leemiik sarri-leelal gaba qideleeh, umaane aba marah cato yakke maral kaadu gaba heele.

Yasaqya 31:3

Tonna'mmay Masri mari sinaamak kaxxih sahda ikkal, Yalla hinnoonum taaxigeenimi. Oson lon faaris, gersi faariisak kaxxih akak yaniinim, cado kee xagara ikkal, malayka hinnon. YALLI gaba siinil qidu waa saaku, cato elle essertan mara kee cato essera marak inkih baati sin qambaltam ixiga.

Yasaqya 40:30

Qunxaane kee furrayniinol, num taqabelem raq mali. Bar qunxaamah yandufuleh; bar qunxaamah radah immay

Qaamus 4:10

«Duma Masrit ruube bala siinit ruube. Labha siinik carbit akah rabta'nnah abeeh, ken raysay baaxot qideenihiyya elle tiffidigen aracal uma'nnah abicte. Qeebi edde abtan faaris qeebi addat akah yabbixen innah abe. Hay, toh ubulla hayteenih yol maaduurinniton.

Qaamus 8:13

Too ayro qaafiyatak nagay tan furrayna kee, duddu hee baxuwih agantah bakaarak gexxaamah boolaatelon.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Yasaqya 33:11

Bicat gactem kee sin taama inkih, kafte qaysoy hebeltô xiq sinnih bis le. Sin ufuy girah innah sin cararisele.

Yasaqya 33:12

Baadal tan ummatta, girat carrisen bocok rade qadô-gombodih innah gacele.