Yasaqya 8:6 - NABUWWA KEE MALIKWA

⁶ «Too mari Siloc deqsita sila le lee-arac cineeh, malik Raaxin kee Ramalyaahû-baxah yifriceenimih sabbatah,

Yasaqya 8:6 Referans Kwoze

Nacmiya 3:15

Kolhadá-Sallum deqsita numuy Mixfa deqsita rasuk abbah sugehiyya Raceynah Afa deqsitta afa bicse. Sarrak culmah alifih amo xiseeh; alifih edde haan coox kee woo alifit tabtabbih haan coox kee birta akah bicse. Saalec-Dora deqsita aracay malik bustaanak elle yamaateenihiyyal sugte gaso, Dawud-Magaala deqsita caafatak akak ooban mawqeena fan, bicisak baahe.

Ermiyaas 2:18

Taway Masri fan gexxaanam maca siinih xiqelem siinit celta? Masri mara lih bica akah abteenim, Niil weeqaytuk taaqubeeni'gidi maay kinni? Assuuriyah rasu akah gexxaanam faxxaanam macaay? Assuuriyah mara lih bica akah abteenim, Furaat weeqaytih lee taaqubeeni'gidi maay kinni? Toh kaadu siinih xiqtam mali.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Yasaqya 7:6

‹Yuudâ-rasu wararennooh Yuudâ-mara meysiisennooh, ken baaxo ninnih abbixenno. Sarrak Tabqel deqsita numih baxa malikih heenno› iyyan.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

1 Malikwa 7:16

Toh lih kaadu, woo qamidwak nammayak inkih, amot nacaasak bicsen sacni-af-le-duyye hee. Too namma duyyek kulli tii koona cusul xexxaarah akkuk yen.

Yasaqya 1:20

Takkay immay yi yab cinteenih a umaanet gexak raqteenik, carbi siinit akkeleeh edde bayetton» iyyah yan. «Aham siinik intam yoo YALLA» iyye.

Yasaqya 7:9

Israayil tet inaytah magaalah tan Samaariyak qandeh mataysa. Samaariya kaadu Ramalyaahû-baxak qandeh mataysa. Imaanal digga axce wayteenik, isin kaadu digga mantan» 'yaanam Yasaqyak iyye. Yasaqya too farmo Acadah warse.

Yasaqya 8:5

YALLI kaadu yo'lih yaabeh iyyeemih,

Yasaqya 28:2

Dagelti gabat lem oobbeya. Qande le celemiy kuwwat le, atkaay qeebi keenit aba'gid gabat leeh; bical yabbixeh yan. Usuk mamaata abu waa saaku, arroqley kaxxam gibdih gurrah, kullim bayissa caacoh innah, kullim duufut beya weeqi'nnah, amaatele, gufele tokke. Toh inkih baaxol oobisele.

Yasaqya 30:12

Isin toh inteenik, Israayil doore Dageltay *Kudduusuk yani siinik iyyamaa, «Anu sin lih yaabe yab cinna hayteenih duquurusiyyal yeemeneh, ayrisiyyal kibaal haa mara takkeenim siinih teysek,

Yasaqya 7:4

Too waqdi ‹Cisabbootiyyak isi dacrisaay mameysitinay mawariggitin› kaak inxic» iyye. «Malik Raaxin kee kay mara kee, tonnah kaadu, Ramalyaahû-baxih kaxxa bagcarra, namma caxxat gexxa girah qeerih gide.