Yasaqya 8:14 - NABUWWA KEE MALIKWA

¹⁴ Yi *taahiriino siinih reebu akkele. Takkay immay Yuuda kee Israayil marah, xaay sahda adafa kinniyoh; ken yannikisse xaa kinniyo. Yarusalaam mari edde radu waa oflo kinniyo.

Yasaqya 8:14 Referans Kwoze

Yasaqya 28:16

YALLAY Mulki le tohuh iyyamaa, «Siyoonul yigirriben xaay limo mangooh, digga le rakiibo yakkehiyya heeyyo. Yoo yaamine num mabadita.

Yacedkel 11:16

«Too mari toh iyya'mmay, atu ama seewah been marak intaamah, ‹YALLAY Mulki lehiyya siinik iyyaamah: Allî-baaxo sin rubteeh, kulli baaxol fixixih sin tabbixem, yooy; uxih dago wakti ama fixixih elle tanin baaxol, taahirik yan aracal elle suge'nnal, sin lih an› keenik inxic.

Yasaqya 26:20

«Yi ummatey, buxah addah cula; qarwak afa isinnit alifa. Yalli naqabuk xamacam fan dago gide kaak ombooqora.

Yasaqya 4:6

Kay nabna ayrok silaalo teetih akkele. Rob kee kaxxa caacayak reebu teetih akkele.

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

Yasaqya 25:4

Baaciteeh yossomme marah reebu kinnito, Dageltaw. Gadaama kaa tabbixe way gabat tu sinni miskintuh reebu kinnito, Dageltaw. Too maray ayro carrissah caaco kee rob qayyaawise, reebissah, ken silaalissa. Xuwaw maleelah umaane kaxxa caacoy xeet taggileh inna le'mmay tu mabahta.

Yasaqya 59:10

inti maleelah innah tataf inna. Kaxxa laqo, bari yekkeh innah, nandafoofole. Mango celeema fanat, rabe marih innah boolatne.

Ermiyaas 6:21

YALLI tohuk gexxaamah iyyaamah: «Ama mara aydafoofoleyyo; xaylooy, xaleenaay, kataysis kee cuggaane keenik bayseyyo» 'yaanam iyya.

Yacedkel 3:20

«Yalli kicna taamah abittot suge num, fanaak uma-taama abam baahe kaa tekkeeh, anu kaadu umam kaal bahha heeh, a numuk, ‹Maabinay uduur› 'yaanam axce waytek, isi qamalah rabeleeh; duma abba hee maqaane kaah maloowinta. Tonna-leemiik too numih raba kok weeyyo.

Yoosuwa 10:7

Toh yoobbe waqdi Yoosuwaa, dooren qaskar kee raqqa 'te qaskar inkih luk gexe.