Yasaqya 7:6 - NABUWWA KEE MALIKWA

⁶ ‹Yuudâ-rasu wararennooh Yuudâ-mara meysiisennooh, ken baaxo ninnih abbixenno. Sarrak Tabqel deqsita numih baxa malikih heenno› iyyan.

Yasaqya 7:6 Referans Kwoze

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.

Yasaqya 7:5

Suuriya, Israayil ummatta kee ken malik lih gacca 'teh kol bahtu waytaamal malisseh tan. Iyyaanamah:

Yasaqya 7:7

Takkay immay yoo YALLAY Mulki le aham akke kaleyyom diggoysa.

1 Malikwa 12:16

Yemeete mari, malik yab keenik aabbe cinem yublen waqdi, «Ah maca neh xiqee, Dawud kee Dawuduk rade mara? Nee kee keenik maca tangalee? Kata labhay, nee beya! Racabqam ahaysa isih faxem abbaasitay» iyyen. Tohuk wadir Israayil mari woo xintol saduh gacen.

2 Malikwa 11:2

Acadyâ-baxi-Yooqas dibuk raaqe. Aki mara lih kaa qide raareeni'mmay, kay annay Yahoosebqa deqsitta kaa raaqisseh rooci kaak waddeh. Is Acadyak abbâ-baxák teneeh Malik-Yacooram-baxák ten. Is Yooqas kee, inah innal kaa dacrisak sugte barra beyya hayteh, Yallih Qibaadah Qarih addat xinti-aracat ken tooqore. Toh akah abtem, kaa qide waana'gidik ten.

2 Aydaad 13:8

Ta saaku kaadu isin Dawuduk rade maray YALLI isih dardaarinna akah yeceehiyyat qeebi abtaanamal malissen. Kaxxam mango qaskar haysittaay dahabak bicissen daheelah ceeloy Yarobqam siinih bicseeh yalla axcuk taqbudeenihiyya haysitta hayteeniih,

2 Aydaad 21:7

Takkay immay YALLI, Dawuduk raaqe dardaarinni samad cabsiisam mafaxinna. Toh akah tekkemii, YALLI, Dawudukuu, «Ku reeda baxak baxal tabele ikkal bayya m'inta» 'yaanam axcuk tohul xagna kaah culeh yen.

2 Aydaad 28:5

Usuk abah yan dambih, YALLAY kay Dagelta kinnihiyya Suuriyah malik kaat ugse. Too malik qeebil kaak yeyseeh, sarrak too malik Yuudâ-marak mangom seewah Damasko fan gabat bee. Tonnah kaadu, Israayil malikiy Ramalyaahû-Fekac deqsitahiyya kaat ruubeeh; too malik Yuudâ-qaskaray kaxxa agiirah tenehiyyak bool kee labaatanni alfih num inki ayroh addat qide. YALLI tah keenil akah baahem, kaay oson akak raden ken kaxxa abbobti doorehiyya cabba heenih dambi le taamat asak sugeenimih sabbata.

Yasaqya 8:6

«Too mari Siloc deqsita sila le lee-arac cineeh, malik Raaxin kee Ramalyaahû-baxah yifriceenimih sabbatah,