Yasaqya 66:5 - NABUWWA KEE MALIKWA

⁵ YALLI iyyem kaak meysitak oggola maraw, YALLI siinik iyyam ankacisa. Siinik iyyaamah: «Isin imaan yol litoonumih sabbatah, sin marak garab sin yanqibeeh, agle siinik cina. Siinil anqaaseenih, ‹Siiniy yafrice nable'gidih, YALLI isi nabna yuybulleeh sin catay› siinik iyyan. Takkay immay oson isinnih qaybit radelon» 'yaanam iyyah yan.

Yasaqya 66:5 Referans Kwoze

Yasaqya 66:2

Ahim inkih anu innih gineeh, tonnal tekke. Takkay immay anu kiciyyom, rammitaah dambik toobita maray anu excem yok meysitak oggolahiyya.

Ermiyaas 36:16

Kawsak gaba kalla hee waqdi, meysih, mariiy mara keenik wagga hee. Sarrak, «A yab malikih warse waynek, abnam mannu. A yab malik yaabbem tayse» 'yaanam iyyen.

Yasaqya 5:19

Isin, «Yalli abeyyo iyyem sissikuk abam kaak nabalu wayna!» intan. «A Israayil doore Dageltay *kudduusuk yani abam faxam duudusam keh, kaak waginnu wayna» intaana'mmay, woyyow, siinit takku waytaama!

Yasaqya 60:15

Koo maaqileenih koo yinqibeenih sugeenih, dibuukuyitteh abur tekkeh sugte'mmay, kaxxa magaalay qaxmeqe koo abeyyo. Kulli way farci elle yan magaala koo abeyyo.

Yasaqya 65:13

YALLAY Mulki le tah yubleeh too way tannah siinik iyya. «Yi naqoosa maqululta; faxeenim maaqok akmelon; siinih gactek qululetton. Yi naqoosay yoh taamitta leê-waytih mabakaaritta; siinih gactek bakaaretton. Yoh taamitta yi naqoosa ruffa axcele, tassa axcele; siinih gactek gamoometton; wacarriyih gamoometton.

Hosiqa 11:10

Anu lubak innah xongolu waa waqdi, yi mari axaxitak ayrô-culmaak yoo fanah amaatele.

1 Malikwa 21:29

«Acab yoh elle rammita inna tubleh innaa? Yoh rammiteemih sabbatah, addunya bagul yanim fanah bala kaal moobisa. Takkay immay kay baxih waktil bala kay buxah maral oobiseyyo» iyye.

2 Malikwa 22:10

Tonna'mmay Cilkiyya yol yecee kitab gabat baaheeh, away gabat abbixe» kaak iyye. Sarrak kitaabal tanim fayya haak malikih yikriye.

2 Aydaad 34:27

toobitteeh, yoh rammitte. Yarusalaam kee Yarusalaam maral baahu waam toobbe waqdi, nadaamah sara isik qanxisseeh weqteh. Too waqdi abteh tan dooqa kok oggoleh.

Qedra 9:4

Bari radda 'yeh magrib waqla aban sadgatah sahda amma 'tam fan, tokkel elle wariggat sugeeh; Yalli marin baaxok yuduure mari abe dambik iyyeh sugem aaxaguk suge mari, ahak maca net akkeleh kaxxam cunxiteeniih; yol gaaboowen.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.