Yasaqya 66:18 - NABUWWA KEE MALIKWA

¹⁸ «Anu sinam baguh tacsubem kee ken taama digga haa. Taway, baaxol enna 'ta ummatta inkih gaaboysu waa ayro xayih. Oson gaaboowan saaku, yi nabna takke gide ablelon.

Yasaqya 66:18 Referans Kwoze

Yasaqya 2:2

Tamaatu wayta ayroorah addat YALLIH Qibaadah-Qari elle yan qale kulli'kkek fayyah giffa axcele. Kulli qalek fayyah giffa luk raaqele. Kulli koomak fayyah giffa luk raaqele. Baadal tan ummatta tet fan amaatele.

Qaamus 5:12

Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.

Ayyuqel 3:2

Too waqdi, baadal tan ummat inkih gaabossa heeh, YALLIH Cokmih-Daqar baaheyyo. Tokkel Israayiliy yi mara kinnihiyyal bahha heenimih keenik malkiteyyo. Israayil mara marin baaxo fixixisen. Israayil rasuy yim kinnihiyya kurraasiteenih.

Yacedkel 39:21

Yalli iyyeemih, «Inni nabna irô baaxoh mara aybulleeyyo. Inni cokmi aybulle'gidih gaba qida saaku, yi gaba le'nna aybulleeyyo.

Yacedkel 38:10

YALLAY Mulki lehiyya Goog giddinaamak iyyaamah, «Too ayro gufta saaku, uma malah malsetto.

Yasaqya 66:10

Yarusalaam magaala kicna maraw, tet lih ifrica. Tet rufto sin rufto takkay. Teetih qaadak suge maraw, taway tet lih ifrica.

Yasaqya 37:28

Takkay immay anu, atu abba haytaamih iggima mayyu. Elle tan ikke kok aaxigeh. Gexxa ikke kee akak tamaate ikke kok aaxigeh. Yoh abta bagcarra kee afqadot kok tan kaxxiinah xaagu kok liyoh. Tohuk gexxaamah sanat santiita kok hayyaay afat cakkam kok hayya heeh akak temeete gita fanah koo gacseyyo 'yaanam Assuuriyah malikik iyyah yan» iyye.

Yasaqya 11:9

Lee bad akah kibta'nnah, Yalla yaaxige mari inkih tan baaxo kibeleemih sabbatah, Yallih qaley taahirik tanihiyyah amol sahda biyaaku waah meqem bayisu waa num mayana.

Yasaqya 45:22

Baadal tan ummatey, inkih waddintaana'gidih, a saakuuk yol uduura. Yalli dibuk yoo.

Yasaqya 52:10

Baadal tan ummatta inkih, YALLI isi gabay taahirik tanit abe taama isinni intit yubleenih; baadal enna 'ya mari, Yalli isi ummatta umaanek wadem aaxigele.

Yasaqya 55:8

YALLI iyyaamah, «Anu acsubem kee isin tacsubeenim inkim hinnaay; anu abam kee isin abtaanam inkim hinnam taaxigeenim meqe.

Yasaqya 56:8

YALLI Israayilik fixixeh suge mara ittah gacsa. Kaay Mulki le iyyeemih, «Kaadu gersi maray keenit yangalu waahiyya baaheyyo» 'yaanamah xagna cule.

Yasaqya 57:12

Meqe mara kinnitoonum takkaleenih, abtaanam meqem takkalen. Takkay immay abtaanam siinik aybeleeleqeyyooh, sin taama siinih xiqtu waytam mali.

Yasaqya 59:7

Tu baahe wee mara sissikuk qiddaanah, bagi siinik xuwaw mali. Umaanek sa tu mamalissaanaah, elle gexinnaan ikkel baaxo abur kee baatî-gadda abteenih cabtan.

Yasaqya 65:2

Umaanek aduure cinaah uma-taamak aduure waah uma-gitat gexa maray deedal kee dirab kataatah, inkih tan ayroy dudda le ‹Yol ama› axcuk namma gaba keenih fidseh ‹Yol ama› exce.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Zakariyya 14:16

Yarusalaamat qeebi abe marak saaboh raaqe mari, wohuk wadir YALLAY Nabaamak Nabaah Malik kinni yaqbudeeni'gidih, kulli sanatal Yarusalaam amaatelon. Tokkel Iraawô-Dabih Qiid assakaxxelon.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

Yasaqya 40:5

YALLI le nabna kee migaq, ambulleeleeh, qaddoowele; ummat inkih tet ablele. Taham YALLI isih iyyeemi; dumaak xagna akah culeemi» 'yaanam inte ta xongolo.

Ermiyaas 16:17

Macaay inteenik, yok qellittam matan. Oson aban dambik magarcita.