Yasaqya 66:1 - NABUWWA KEE MALIKWA

¹ YALLI iyyaamah, «Qaran yok daffeyna korsi. Baaxo yok ibih mattaaqatta. Hay tonnal, elle gaca'gidih yoh xissoonu waytaanam, mannah yan qariy? Anu elle affoofu waa arac, mannah yan aracay?

Yasaqya 66:1 Referans Kwoze

1 Malikwa 8:27

«Yi Dageltaw, baaxo koo tabbixeemih dudda geelee? Qaran kee qaraanak ellecabot raqta qaraanitte tabbixu dudda akah gee wayta Dagelta kinnitok, hay, xise-qari-baxi mannal koo abbixele?

2 Aydaad 6:18

«Yi Dageltaw, baaxo koo tabbixeemih dudda geelee? Baaxô-bagul sinam fanal dabqah maay gactaa? Qaran kee qaraanak ellecabot raqta qaraanitte tabbixu dudda akah gee wayta Dagelta kinnitok, hay, xise-qari-baxi mannal koo abbixele?

1 Aydaad 28:2

Too mari inkih elle gaaboowe ikkel, Dawud foocal keenik solla iyyeh ken lih yaabe. Keenik iyyeemih, «Yi baaxoh ummatey, siinik axcem yok oobbeya. YALLIH Qahdih-Sanduguy kay ibih mattaaqatta kinnihiyya elle hayna'gidih, Qibaadâ-Qari xisam faxak suge. Inni Dageltah nabnah, kay Qibaadah-Qarih cato, bica naharal elle abeh suge.

Malaaki 1:11

Addunyak ayrô-mawqaay ayrô-culma takke baaxol yoo yaynabe mari kibuk yan. Kulli ikkel dooqa aban waqdi, qaydarus qeerisakaay, ceelah yan sadgat abak yoo yaqbuden. Baadal tan ummat yoo taynabe.

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Ermiyaas 23:24

Sahdayti abaamay yok qellittahiyya matan. Qaran kee baaxol inkih yan Dagelta kinniyo» 'yaanam iyya.

2 Aydaad 2:5

Ni Dagelti, nek kalih mari yalla axcuk yaqbuden duyyek inkih, muxxo le Dagelta kinniimih sabbatah, kaah xisu waa qari kaxxam naba qari akkele.

Yasaqya 60:13

Yi qariy taahirik yanit qax-maqaane haana'gidiiy too qari elle yan magaalah migaq fayya haana'gidih, Lubnaan rasuk nabam meqe coox koh baahelon.